E mërkurë, 18 nëntor 2026

Rubrikat

Mbështet Limit.al

Kategoria Superiore, Kukësi dhe Teuta ndahen në paqe, 1 pikë nuk kënaq asnjë nga skuadrat

Ndeshja e javës së 31-të e Superligës Shqiptare mes Kukësit dhe Teutës u mbyll në paqe 0-0. Sfida e luajtur në ‘Kukës Arena’ prodhoi emocione të shumta, me goditjen e shtyllave nga lojtarët e të dyja ekipeve, e me ndërhyrjen e VAR, por në fund gjithçka u mbyll pa gola. Një pjesë e parë e luajtur më mirë nga të besuarit e Rrahman Hallaçit, që rrezikuan në disa raste portën e Pano Qirkos, por gardiani i durrsakëve ndërhyri në mënyrë perfekte. Në minutën e 33-të, Kukësi i afrohet golit. Gjelbrim Taipi gjuan bukur, por Qirko shpëton durrsakët nga gol i sigurtë.

Kuksianët e mbyllën në sulm 45-minutëshin e parë të lojës.

Pjesën e dytë Teuta e nis më mirë. Sherif Kallaku provon me një tentativë nga distanca, por Halimi i mohon golin skuadrës bregdetare, në minutën e 54-t. Në minutën e 65-të, Teuta pretendon për penallti, por gjyqtari edhe pas konsultimit me VAR, vëren më herët një faull në mesin e fushës, në favor të verilindorëve. Taipi trondit shtyllën e durrsakëve në minutën e 71-të, nga një goditje dënimi, me topin që përfundon në shtyllën e majtë pingule. Radhën për të goditur shtyllën e kanë dhe të besuarit e Edi Martinit. Oshafi në të 95-ën gjuan bukur, por sfera ndalet nga shtylla dhe me këtë rast mbyllet dhe takimi.

Kukësi renditet në vendin e 8 me 37 pikë, ndërsa Teuta në të 6-in me 39 pikë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport