Juventus bie në Reggio Emilia, duke u mposhtur nga Sassuolo.
Bardhezinjtë pësuan disfatë me rezultatin 1-0.
Kjo ishte humbja e dytë radhazi e skuadrës së drejtuar nga Allegri, pas asaj të një jave më parë në ‘Olimpico’ ndaj Lazios 2-1.
Në ‘Mapei Stadium’ u zhvillua një lojë me ritëm të ulët dhe me skuadrat që bën gabime të shumta.
Ai që i dha fitoren vendasve dhe ndëshkoi torinezët ishte Defrel, në minutën e 64.
Me këtë rezultat, ’Zonja e vjetër’ bëri një hap fals për të kapur zonën e Europës, duke mbetur në vendin e 7-të, me 44 pikë.
Ndërkohë, Roma arriti një triumf tepër deçiziv ndaj Udineses, në luftën për të zënë një vend në Champions League sezonin e ardhshëm.
Të besuarit e Jose Mourinhos mposhtën mysafirët me rezultatin 3-0, duke siguruar fitoren e tretë radhazi në Seria A.
Bove zhbllokoi ndeshjen në ‘Olimpico’ në minutën e 37-të, pasi shfrytëzoi penalltinë e goditur në shtyllë nga Cristante.
Pellegrini dhe Abraham ishin autorët e dy golave të tjerë, që vulosën kështu fitoren e verdhekuqve.
Roma renditet në vendin e tretë me 56 pikë, 5 më shumë se Inter i vendit të pestë dhe 3 pikë më shumë se Milan i vendit të tretë./Limit.al
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh



