E mërkurë, 18 nëntor 2026

Rubrikat

Mbështet Limit.al

Ja se kur rifillon Bundesliga

Bundesliga do të jetë e para ndër vendet ligat kryesore në Europë që do të rifillojë. Sipas agjencisë së lajmeve “Reuters”, kancelarja gjermane Angela Merkel ka fiksuar 15 Majin si datën e rifillimit të futbollit në Gjermani. Pritet që lajmërimi do të bëhet më 6 Maj, pas daljes zyrtare të kancelares, që shtyu me 1 javë vendimet e rëndësishme sa i përket hapjes dhe liberalizimit të aktiviteteve të ndryshme pas izolimit nga pandemia Covid-19.

Bundesliga është ndjeshëm më e avancuar se kampionatet e tjera në Europë, sa i përket strategjisë së rifillimit të futbollit. Futbollistët kanë filluar përgatitjet në grupe të vogla. Në Gjermani kanë mbetur edhe 9 javë për t’u luajtur.

Sa i përket Serie A, brenda kësaj jave do të ketë një përgjigje përfundimtare se kur mund të rifillojë kampionati. Ky është premtimi që bën Ministri i Sportit, Vincenzo Spadafora, i cili ka bërë një hap pas në fjalët e tij, teksa një ditë më parë shprehej se nuk mund të flitej për ndeshje futbolli akoma. Nga ana tjetër Lega Calcio është gati që sivjet të anulojë edhe Kupën e Italisë, e cila ka parë të zhvillohen edhe gjysmëfinalet e vajtjes, Inter-Napoli 0-1 dhe Milan-Juventus1-1 dhe të mos e japë këtë trofe, duke parë ngjeshjen e kalendarit.

Nga Anglia vjen një tjetër propozim interesant. Sipas shefit ekzekutiv të Shoqatës së futbollistëve Profesionistë, Gordon Taylor, ndeshjet e Premier League mund të shkurtohen në minutazh. Kjo ide është hedhur edhe nga menaxherët e futbollistëve që ndeshjet të mos jenë këtë periudhë nga 45 minuta pjesa.

Ende nuk është përcaktuar se sa mund të jenë pjesët e lojës, por mendohet 35-40 minuta secila pjesë, duke shkurtuar 10-20 minuta në total. Për të evituar grumbullimin e tifozëve në ambiente të përbashkëta, është hedhur ideja e transmetimit të ndeshjeve live në YouTube.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport