E mërkurë, 18 nëntor 2026

Rubrikat

Mbështet Limit.al

Inter me sytë nga Stambolli, akti i parë ngjyroset zikaltër, Dzeko e Mkhitaryan mposhtin Milanin

Derbi i Milanos në Champions League foli për Interin kësaj radhe.

Zikaltërit triumfuan me rezultatin 0-2, në sfidën e parë gjysmë-finale, ndaj 7 herë kampionëve të Europës dhe hedhin sytë nga Stambolli, atje ku do të luhet finalja e madhe më 10 qershor. ‘Euroderbi’ mori nuancat zikaltër që në 11 minutat e para të takimit.

Edin Dzeko ishte ai që zhbllokoi rezultatin, që pas vetëm 7 minutash lojë.

Sulmuesi boshnjak shfrytëzoi mjaft mirë një kros të Calhanoglu nga një goditje këndi dhe çoi topin në fundin e rrjetës, duke mposhtur Maignan.

http://limit.al/wp-content/uploads/2023/05/Goli-i-Dzeko.mp4

Mkhitaryan çoi në delir tifozët e Interit, kur pas vetëm 3 minutash realizoi edhe të dytin.

Armeni përfitoi nga pakujdesia e mbrojtjes së Milanit dhe i gjendur i vetëm përpara portës, çon topin në fundin e rrjetës.

http://limit.al/wp-content/uploads/2023/05/Goli-i-Mhikitaryan.mp4

Skuadra e Inzaghit mund ta ‘kishte’ vrarë sfidën në minutën e 16-të, kur goditja e Calhanoglu u stampua në shtyllë.

Kuqezinjtë mundohen të mbledhin forcat dhe të reagojnë në pjesën e dytë. Brahim Diaz nuk shënjestron siç duhet kuadratin e Onanas, në minutën e 49-të.

Skuadra e Piolit shpërdoroi një tjetër rast të artë me Junior Messias, i cili nuk gjeti kordinatat e duhura.

I pafat Milani në minutën e 63-të. Goditja e Sandro Tonalit përfundon në shtyllë dhe më pas përfundon jashtë.

Minutat e mbetura të lojës nuk prodhuan më rezultat dhe ndeshja mbyllet me shifrat 0-2 për Inter./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport