Indrit Tuci po kalon një formë fantastike në kampionatin kroat të futbollit. Kurbinasi ishte edhe njëherë protagonist për skuadrën e tij të Lokomotivës së Zagrebit.
22-vjeçari realizoi 1 gol dhe dha 1 asist, në barazimin 2-2 të skuadrës kryeqytetase, ndaj Goricas.
Fillimisht Tuci tentoi të godasë portën në minutën e 42-të, por që përfundoi në një asist për Stojkoviç, që nuk gaboi dhe çoi topin në rrjetë.
2 minuta pas rifillimit të pjesës së dytë, sulmuesi shqiptar gjeti rrugën e rrjetës. Me një të djathtë potente dhe nga jashtë zone, bomberi kuqezi mposhti portierin kundërshtar.
Ky është goli i dytë në tre ndeshjet e fundit për Tucin, pasi më herët shënoi edhe në fitoren 1-0 ndaj Sibenik, ndërkohë që në kampionat ka realizuar 6 gola dhe 4 asiste në total.
Në takimin ndaj Goricas, luajti për 90 minuta edhe Jon Mersinaj, ndërsa u aktivizua në pjesën e dytë edhe Art Smakaj.
Një paraqitje të mirë bëri edhe Eduart Rroca në Superligën turke. Mesfushori shqiptar kontriuboi në suksesin deçiziv të Istanbulspor ndaj Giresunspor, me shifrat 1-0. Fantazisti kuqezi dha asistin e golit të triumfit të skuadrës së tij.
29-vjeçari dha një top të bukur me kokë për Eze, i cili nuk gaboi dhe mposhti portierin kundërshtar.
Rroca po kalon një formë të mirë na kampionatin turk, ku numëron 2 gola dhe 3 asiste.
Në këtë takim u aktivizuan edhe Ethemi e Topalli, ndërsa Guri dhe Loshaj e ndoqën sfidën për 90 minuta nga stoli./Limit.al
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh



