E mërkurë, 18 nëntor 2026

Rubrikat

Mbështet Limit.al

Hodhi banane në fushë pas golit të Aubameyang, arrestohet tifozi anglez

Disa tifozë u arrestuan për hedhje objektesh në fushë, gjatë derbit të veriut të Londrës, midis Arsenalit dhe Tottenhamit. “Metropolitan Police” konfirmoi për “Omnisport” se janë bërë shtatë arrestime, duke përfshirë njërin për hedhjen e një bananeje në fushën e lojës, gjatë ndeshjes së të dielës në “Emirates Stadium”.

Pamjet televizive treguan një lëkurë bananeje të pranishme në fushë, pasi Arsenali festoi golin e tij të parë, të shënuar prej ndërkombëtarit gabonez, Pierre-Emerick Aubameyang, nga pika e penalltisë. Trajneri Emery vlerësoi atmosferën në stadium, gjatë lojës, duke sugjeruar se ajo e frymëzoi fitoren e Arsenalit.

“Tifozët na ndihmuan shumë, – tha ai për “Sky Sports”. – Në një moment të vështirë në pjesën e parë, ne qëndruam të qetë. Folëm për këtë në dhomën e zhveshjes dhe pastaj kishim minuta të mira në lojë”.

Ndeshja e radhës për “Topçinjtë” është në “Old Trafford”, kundër Manchester United, të mërkurën, përpara se të ballafaqohen me Huddersfield e më tej të luajnë në “Europa League”. Tottenham, ndërkohë, pret Southampton dhe viziton Leicester City, përpara se të ballafaqohet me Barcelonën në sfidën tepër të rëndësishme për kualifikim në Ligën e Kampionëve.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport