E mërkurë, 18 nëntor 2026

Rubrikat

Mbështet Limit.al

Gjimshiti paraqitje mbresëlënëse në fitoren e Atalantës ndaj Romës, bergamaskët “ëndërrojnë” Championsin

Atalanta arriti një fitore tepër deçizive në Seria A, duke triumfuar ndaj Romës me rezultatin 3-1, në ndeshjen e javës së 31-të të kampionatit italian.

Në ‘Gewiss Stadium’, zikaltërit e Gasperinit zhbllokuan rezultatin me Pasaliç në minutën e 39-të, me një të majtë që befasoi Rui Patricion. Ndeshja u ndez në pjesën e dytë. Rafael Toloi dyfishoi shifrat në minutën e 74-të për vendasit.

Skuadra e Jose Mourinhos ngushtoi shifrat në të 83-të me Pellegrinin. Pas vetëm 1 minute lojë, bergamaskët i rikthyen edhe njëherë në avantazh të dyfishtë me Koopmeiners, i cili realizoi golin e tretë të ekipit të tij dhe vulosi tripikëshin për Atalantën. Kur kanë mbetur edhe 7 javë kampionat, Atalanta tashmë ndodhet vetëm 4 pikë larg zonës Champions.

Në këtë takim, titullar luajti edhe mbrojtësi i kombëtares shqiptare Berat Gjimshiti. Lojtari kuqezi u aktivizua për 73 minuta në fushën e lojës, por më pas për shkak të një lëndimi, u detyrua të lërë fushën e lojës.

http://limit.al/wp-content/uploads/2023/04/Berat-Gjimshiti-vs-Roma.mp4

Në sfidën përballë Romës, Gjimshiti zhvilloi një paraqitje mbresëlënëse, duke qenë një ndër lojtarët më të mirë në fushë për Atalantën. Mediet italiane kanë vlerësuar 30-vjeçarin për paraqitjen e tij përballë ekipit të Murinjos. ‘Tuttomercatoweb’ i vendosi notën 7, një ndër më të lartat nga lojtarët e Atalantës.

Në leximin e lojës është praktikisht perfekt. Ai kufizon Abrahamin dhe sulmuesit verdhekuq. Lë lojën për shkak të një problemi fizik, shkruanin mediet italiane./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport