E mërkurë, 18 nëntor 2026

Rubrikat

Mbështet Limit.al

Fund i “çmendur” në “Maradona”, Napoli nuk toleron dhe mposht Interin, Lazio i Elseid Hysajt drejt Championsit

Napoli nuk fal, duke likujduar edhe Interin me rezultatin 3-1. Edhe pse tashmë të shpallur kampion të Seria A, Napoli nuk toleroi aspak ndaj zikaltërve duke dominuar takimin ndaj tyre.

Në stadiumin ‘Diego Armando Maradona’ të tejmbushur, napoletanët kaluan të parët në avantazh në minutën e 67-të me Anguissa, ndërkohë që më herët skuadra milaneze kishte mbetur me 10 lojtarë në fushën e lojës, pas daljes jashtë me dy kartova të verdhë të Gagliardinit, në minutën e 41-të.

Të besuarit e Inzaghit vendosën baraspeshën e përkohshme në të 82-n, me Lukakun.

Di Lorenzo çoi në delir tifozët napoletanë, duke realizuar një super gol, pas vetëm 3 minutash.

Suksesin e Napolit e vulosi Gaetano në minutën e 94-të.

Për Interin që nga minuta e parë u aktivizua edhe mesfushori shqiptar Kristjan Asllani, i cili luajti për 90 minuta.

Me këtë fitore, Napoli vendos edhe një rekord historik. Kjo është hera e parë në historinë e klubit napoletan, që skuadra i mposht të gjithë kundërshtarët, në një sezon të vetëm të Seria A.

19 – Il @sscnapoli ha trovato il successo contro 19 avversarie differenti nel corso di una singola stagione per la prima volta nella sua storia in Serie A. Cannibale. #NapoliInter pic.twitter.com/HFiwyjTCI9

— OptaPaolo (@OptaPaolo) May 21, 2023

Ndërkohë një fitore tepër të rëndësishme arriti Lazio i Elseid Hysajt. Ekipi i Sarrit fitoi në transfertë ndaj Udineses, me shifrat 0-1.

Immobile ishte heroi i skuadrës laciale, duke shënuar golin e vetëm të ndeshjes, në minutën e 61-të. Me këtë triumf, Lazio konsolidon pozitat në vendin e tretë të renditjes./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport