E mërkurë, 18 nëntor 2026

Rubrikat

Mbështet Limit.al

Finalja e Champions League, rrugëtimi deri në Stamboll, City kërkon tripletën, Interi lavdinë

Superfuqia aktuale e futbollit, Manchester City kundër pasionit dhe shpirtit të garës së Interit.

Është kjo finalja e madhe e UEFA Champions League që do të startoj mbrëmjen e sotme në orën 21:00, në Stadiumin Olimpik ‘Ataturk’ të Stambollit.

Skuadra angleze, me në krye Pep Guardiolën kërkojnë trofeun e parë në këtë kompeticion, ndërkohë që kërkojnë të hyjnë në histori, duke fituar tripletën.

Nga ana tjetër, Interi me në krye Simone Inzaghin kërkojnë lavdinë, duke tentuar triumfin e katërt në Ligën e Kampionëve.

Rrugëtimi i të dyja ekipeve, deri në Turqi nuk ka qenë aspak i lehtë për anglezët dhe italianët, por ata ja dolën të kalonin çdo pengesë.

City arriti të renditej i pari në grupin G, duke grumbulluar në total 14 pikë, e duke lënë pas në klasifikim Dortmund-in, Sevilla-n dhe Copenhagen-in.

Në fazën e 1/16-ve, të besuarit e Guardiolës kaluan pa problem RB Leipzig, duke i shkatërruar në ‘Etihad’ 7-0, teksa takimi i parë kishte përfunduar 1-1.

Më tej, ekipi anglez mposhti një ndër pretedentët e këtij turneu si Bayern Munich. City fitoi ndaj bavarezëve në Angli 3-0, ndërsa u mjaftua me një barazim 1-1 në Gjermani, për të prerë biletën për në gjysmë-finale.

Në gjysmë-finale, klubi nga Manchesteri eleminoi ‘mbretërit’ e Champions League, Realin e Madridit.

Një barazim 1-1 në ‘Santiago Bernabeu’ dhe triumfi 4-0 në shtëpi mjaftoi për të shkuar në finale.

Nga krahu tjetër, Inter arriti të kaloj një grup tejet të vështirë. Zikaltërit u renditën të dytët në grupin C, ku bënin pjesë edhe Bayern Munich, Barcelona dhe Plzen.

Në fazat me eleminin direkt, të besuarit e Inzaghit kaluan portugezët e Portos dhe Benficës, deri në mbërritjen në gjysmë-finale ndaj rivalëve të qytetit, Milanin.

Inter dominoi ndaj ‘kuqezinjve’ në të dyja sfidat, duke arritur suksesin me rezultatin e përgjithshëm 3-0./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport