E mërkurë, 18 nëntor 2026

Rubrikat

Mbështet Limit.al

Finale “italo-angleze” në Conference League, Fiorentina kalon Baselin e Taulant Xhakës, West Ham eleminon AZ Alkmaar

Në finalen e Conference League do të kemi një finale ‘italo-angleze’. Fiorentina- West Ham do të përballen në ‘Fortuna Arena’ të Pragës, më 7 qershor, për të bërë të tyren këtë trofe.

Fiorentina arriti të kualifikohet në finale, pasi mposhti Baselin e Taulant Xhakës, në një ndeshje emocionuese dhe me ‘drithërima’.

Skuadra toskaneze edhe pse e mposhtur në sfidën e parë në ‘Artemio Franchi’1-2, i ‘kthyen reston’ zviceranëve duke i mundur me të njëjtat shifra dhe duke e çuar ndeshjen në shtesë.

Heronjtë e ekipit ‘violë’ ishin Nicolas Gonzales i cili realizoi dy gola. Fillimisht argjentinasi zhbllokoi takimin në minutën e 35-të, ndërsa shënoi dopietë, në minutën e 72-të.

http://limit.al/wp-content/uploads/2023/05/Goli-i-parë-i-Gonzalez.mp4

http://limit.al/wp-content/uploads/2023/05/Goli-i-dytë-i-Gonzalez.mp4

Për Basel, Amdouni kishte barazuar sfidën në minutën e 55-të.

http://limit.al/wp-content/uploads/2023/05/Goli-i-Amdouni.mp4

Në minutën e 10-të të shtesës 30-minutëshe, Barak çon në delir tifozët e Fiorentinës, duke shënuar golin e kualifikimit.

http://limit.al/wp-content/uploads/2023/05/Goli-i-Barak.mp4

Në këtë mënyrë, Fiorentina shkruan edhe historinë.

Ekipi italian bëhet i vetmi klub në Europë, që arrin finalet e 4 kompeticioneve që janë zhvilluar nga UEFA, Liga e Kampionëve, Liga e Europës, Kupa e Kupave dhe Liga e Konferencës.

Ndërkohë, në përballjen tjetër gjysmë-finale AZ Alkmaar-West Ham, trimfues dolën anglezët.

Skuadra londineze fitoi edhe në Hollandë, ndaj vendasve, kësaj radhe me shifrat 0-1. Autor i golit për ekipin anglez, ishte Pablo Fornals, në minutën e 94-të.

http://limit.al/wp-content/uploads/2023/05/Goli-i-Fornals.mp4

Takimi i parë në Londër kishte përfunduar 2-1 për West Ham./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport