E mërkurë, 18 nëntor 2026

Rubrikat

Mbështet Limit.al

FIFA miraton fondin prej 1,5 miliardë dollarë në ndihmë të Federatavetë goditura nga koronavirusi

Këshilli i FIFA-s, i mbledhur në një videokonferencë të enjten në darkë, miratoi fondin 1,5 miliardë dollarë në grante dhe kredi, për t’u ardhur në ndihmë Federatave të futbollit të goditura nga koronavirusi.

Gianni Infantino, presidenti i FIFA-s, tha se fondi i ndihmave “u miratua njëzëri” nga anëtarët e këshillit dhe theksoi se do të ushtrohen “kontrolle rigoroze” për mënyrën se si do të shpenzohen paratë.

Të gjitha 211 federatat anëtare do të kenë të drejtë ndaj “një granti themelor solidariteti” prej 1 milion dollarësh secila, përveç 500 mijë dollarëve që duhet të investohen në futbollin e  femrave.

Për më tepër, federatat mund të aplikojnë edhe për një kredi lehtësuese COVID-19 me vlerë 35% të të ardhurave të tyre deri në maksimumi 5 milionë dollarë secila.

Infantino premtoi “kontrolle rigoroze të përdorimit të fondeve, nëpërmjet auditimeve” dhe se do të ketë “kushte shumë të qarta” për shlyerjen e kredive.

FIFA po e financon fondin e jashtëzakonshëm nga rezervat e saj, me 328 milionë dollarë për mbulimin e granteve dhe 556 milionë dollarë për të financuar kreditë – tha Infantino. “Klubet dhe federatat janë në rrezik. Në disa pjesë të botës, futbolli nuk ka rinisur. Ne duhet t’i ndihmojmë”.

Krijimi i fondit për mbështetjen e klubeve u njoftua nga FIFA në mars, kur futbolli në pjesën më të madhe të globit ndali për shkak të përhapjes së pandemisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport