Z Mobile Prishtina ka shkruar historinë për basketbollin shqiptar, duke kaluar në fazën e eliminimit direkt të FIBA Europe Cup.
Skuadra nga kryeqyteti i Kosovës, ka shënuar një nga fitoret më të mëdha në histori të klubit, duke e mundur skuadrën e njohur turke, Pinar Karsiyaka, me rezultat 82:78 në ‘Pallatin e Rinisë’ në ndeshjen e xhiros së fundit në grupe për të siguruar kalimin në fazën e eliminimit direkt në FIBA Europe Cup.
Për triumfin historikë të Z Mobile Prishtinës ka shkruar edhe FIBA Europe Cup në Twitter, duke i përgëzuar lojtarët.



