E mërkurë, 18 nëntor 2026

Rubrikat

Mbështet Limit.al

Festë dhe tragjedi në Napoli, një person i vdekur dhe mbi 200 të tjerë të plagosur, gjatë festimeve për fitimin e titullit

Një person mbeti i vdekur dhe mbi 200 të tjerë u plagosën, në orët e para të mëngjesit të së premtes, gjatë festimeve për fitimin e titullit kampion të Napolit.

26-vjeçari Vincenzo Costanzo ka humbur jetën, pasi u plagos fillimisht nga një armë zjarri. Ngjarja ndodhi në ‘Sheshin Volturno’. Ndërkohë Policia bëri me dije se numri i të plagosurve është 203, ku mes të cilëve shumë prej tyre janë pjesë e sherrit që shkaktoi edhe viktimën.

22 prej të lënduarve që janë shtruar në spital, ndodhen në gjendje të rëndë shëndetësore, ndërsa 4 prej tyre janë qëlluar me armë zjarri.

Bilanci rëndohet edhe më tej, nëse në listë shtohen edhe 3 policë që mbetën të plagosur gjatë festimeve, ndërsa një 20-vjeçare ka marrë plagë të rënda në kokë dhe është në rrezik për jetën.

Ndërkohë festa në qytetin e Napolit ka vijuar deri në orët e para të mëngjesit, ku tifozët napoletanë shpërthyen në festë, për fitimin e titullit të tretë kampion të Seria A.

Menjëherë pas përfundimit të ndeshjes Udinese-Napoli me rezultatin 1-1, qielli i Napolit u ‘ndez’ nga fishekzjarrët, teksa tifozët u ‘derdhën’ në rrugët dhe sheshet e qytetit, për të festuar titullin e 3-të kampion të Italisë.

Padiskutim kjo është arritja më e madhe e skuadrës napoletane, në këto 33 vitet e fundit. Për herë të fundit ky sukses ishte arritur në vitin 1990, me në krye Diego Armando Maradonën./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport