E mërkurë, 18 nëntor 2026

Rubrikat

Mbështet Limit.al

Elseid Hysaj protagonist me gol te Lazio, Milan i “falet” Giroud, “kuqezinjtë” mposhtin Juventusin në Torino

Lazio mposhti Cremonesen me rezultatin 3-2 dhe morri përsëri vendin e dytë, duke rikthyer Interin në vendin e tretë. Por ai që bëri lajm në këtë sfidë ishte Elseid Hysaj. Mbrojtësi i Kombëtares shqiptare ishte protagonist në këtë përballje.

29-vjeçari realizoi golin e parë të sfidën që në minutën e 4-t, pas një kombinimi mjaft të bukur me shokun e skuadrës Immobile.

Hysaj qëndroi në lojë për 80 minuta, ku përveç golit bëri një paraqitje mjaft të mirë.

Milinkoviç-Saviç realizoi 2 golat e tjerë për Lazion, ndërsa për ekipin nga Cremona shënuan Galdames dhe një auto-gol i Lazzarit.

Ndërkohë, në super sfidën e javës së 37-të të Seria A, Milan arriti një triumf të madh në Torino, ndaj Juventusit.

Kuqezinjtë fituan me rezultatin 0-1.

Oliver Giroud bëri të heshtë ‘Allianz Stadium’ me golin e shënuar në minutën e 40-të.

Në pjesën e dytë të lojë edhe pse pati raste për shënim nga të dyja skuadrat, lojtarët nuk arritën dot t’i konkretizonin me gol, duke u fiksuar rezultatin i pjesës së parë.

Me këtë fitore të besuarit e Piolit sigurojnë matematikisht pjesëmarrjen në Champions League sezonin e ardhshëm, duke u renditur në vendin e 4-t me 67 pikë, ndërsa ‘Zonja e vjetër’ mbetet jashtë Ligës së Kampionëve.

Në ndeshjet e tjera të kampionatit italian, Bologna-Napoli u mbyll në baraspeshë 2-2, Verona-Empoli përfundoi 1-1 dhe Monza-Lecce 0-1./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport