E mërkurë, 18 nëntor 2026

Rubrikat

Mbështet Limit.al

€300 mln për një super yll, Florentino Perez përgatit blerjen rekord te Real Madrid

Fundosja e Real Madrid ndodhet nën sytë e të gjithëve, aq sa mediat spanjolle në këto moment po tentojnë të analizojnë situatën në detajet më të vogla, duke u shqetësuar edhe për të kuptuar se kush do të blihet në verë nga klubi, me qëllim ringritjen e skuadrës në nivelet maksimale.

Nuk kanë kaluar pa u vënë re koret që ftojnë presidentin e Los Blancos, Florentino Perez, që të dorëhiqet pas disfatës 1-4 mbrëmjen e të martës në “Santiago Bernabeu” ndaj Ajax.

Ishte presidenti ai që mori mbi vete të gjithë përgjegjësinë dhe sipas “Don Balon” është gati që t’i dhurojë skuadrës një pikë të re referimi, duke nisur nga sezoni i ardhshëm, askënd më pak se yllin francez Kylian Mbappe.

Talenti i PSG, në fakt, do të ishte i vetmi që do të rindizte entuziazmin te populli madrilèn. Shumë i ri, i fuqishëm, aq sa parisienët do të donin ta mbanin me çdo kusht për të ndërtuar të ardhmen e tyre rreth tij.

Pikërisht për këtë arsye, Florentino Perez e di se duhet të paguajë një shumë stratosferike të barabartë me 300 milionë euro për të rrëmbyer kampionin e botës nga francezët e PSG.

Gjithsesi do të bëhej fjalë për një investim të sigurtë. Sulmues i të tashmes dhe të ardhmes. Që tani në gjëndje për të çuar drejt suksesit ekipet e mëdha. Kontaktet me sheikun kanë nisur tashmë. Sipas “Don Balon”, paraja është mënyra e vetme për ta bindur.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport