E mërkurë, 18 nëntor 2026

Rubrikat

Mbështet Limit.al

Derbi ballkanik për Kosovën, një vit e gjysmë larg ëndrrës Euro 2020

Kosova ka arritur një sukses historik, duke u renditur e para në grupin e vet të Ligës së Kombeve dhe duke u promovuar në Ligën C të këtij kompeticioni. Tashmë, verdhekaltrit do të ndeshen me Maqedoninë në gjysmëfinalen e “play-off”-it të Ligës D, për kualifikim direkt në “Euro 2020”.

Pas përfundimit të kualifikimeve të rregullta, që do të mbahen në vitin 2019, Kosova do të jetë pjesë e “play-off”-it të Ligës D në mars 2020. Aty do të marrin pjesë katër fituesit e katër grupeve të kësaj lige. Në këtë rast janë Gjeorgjia, Bjellorusia, Kosova dhe Maqedonia.

Në “play-off” luhen dy gjysmëfinale dhe një finale për të përcaktuar skuadrën e kualifikuar për në Europian. Në gjysmëfinale përballet ekipi më i mirë nga këto katër përfaqësuese me atë më të dobëtin, bazuar në pikët e marra në këtë ligë. I dyti luan me të tretin. Dy ekipet e para kanë përparësinë e fushës vendase në gjysmëfinale, ndërsa për finalet do të hidhet short për fushën ku do të luhet.

Kështu, e para është Gjeorgjia, me 16 pikë, Maqedonia e dyta, me 15 pikë, Kosova e treta, me 14 pikë dhe Bjellorusia e fundit, po e 14 pikë, por për shkak të golaverazhit më të dobët është e katërta.
Bazuar në këtë qasje sportive, Gjeorgjia do të luajë me Bjellorusinë, ndërsa Kosova do të udhëtojë drejt Maqedonisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport