E mërkurë, 18 nëntor 2026

Rubrikat

Mbështet Limit.al

City triumfon në FA Cup, mposhtin rivalët e përjetshëm të United dhe janë shumë pranë tripletës

Manchester City është një hap harg tripletës në këtë sezon. ‘The citizens’ mposhtën në finalen e FA Cup rivalët e përjetshëm të qytetit të Manchester United, me rezultatin 2-1. Heroi për skuadrën e Guardiolës ishte Gundogan i cili shënoi të dy golat për ekipin e tij në këtë përballje.

Mesfushori turko-gjerman shkroi historinë në kompeticionin më të vjetër në botë.

Gundogan zhbllokoi sfidën që në sekondën e 12-të, duke u bërë kështu lojtari që realizon golin më të shpejtë në historinë e FA Cup.

http://limit.al/wp-content/uploads/2023/06/Goli-i-parë-i-Gundogan.mp4

Rekordi i mëparshëm mbahej nga Luis Saha, i cili kishte shënuar me fanellën e Evertonit në sekondën e 25-të të duelit ndaj Chelseat, në vitin 2009.

Në minutën e 30-të të sfidës, të besuarit e Ten Hag pretendojnë për një penallti.

Gjyqtari pas një rishikimi të rastit në VAR, akordon një 11-metërsh për ‘Djajtë e kuq’, për një prekje të topit me dorë nga ana e Grealish.

Penalltinë e merr përsipër Bruno Fernandez dhe nga 11 metra larg nuk gabon, duke çuar topin në fundin e rrjetës, në minutën e 33-të të takimit.

http://limit.al/wp-content/uploads/2023/06/Goli-i-Bruno-Fernandez.mp4

Pjesa e parë u mbyll në baraspeshë 1-1.

Në fraksionin e dytë të lojës, të besuarit e Guardiolës kaluan sërish në avantazh.

6 minuta pas rifillimit të lojës, Gundogan me një goditje të majtë nga jashtë zone, shtangu De Gean duke tundur rrjetën.

http://limit.al/wp-content/uploads/2023/06/Goli-i-dytë-i-Gundogan.mp4

Futbollistët e Manchester United nuk mundën dot të reagonin dhe të ndryshonin rezultatin, duke u dorëzuar në mitikun ‘Wembley’ ndaj ‘qytetarëve’.

http://limit.al/wp-content/uploads/2023/06/Festimi-i-titullit-të-FA-Cup.mp4

City nga ana tjetër, është shumë pranë shkrimit të historisë, ku tashmë i pret edhe finalja e madhe e Champions League ndaj Interit më 10 qershor, për të kompletuar tripletën./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport