E mërkurë, 18 nëntor 2026

Rubrikat

Mbështet Limit.al

Cili prej klubeve i ka pagat më të larta?

Derbi i Italisë mes Juventusit dhe Interit, që do të luhet të dielën në mbrëmje në Torino, vlen rreth 1 miliardë euro. Kjo nisur nga vlera e futbollistëve që kanë në përbërje dy skuadrat kryesuese të Serie A.

Deri para pak kohësh, bardhezinjtë dominonin skenën nga pikëpamja e pagave, duke qenë se mund të investonin shuma të mëdha parash për të blerë lojtarët më të mirë në treg, por prej disa kohësh gjërat duket se kanë ndryshuar.

Nëse në vlerën e grupit, Inter ka një avantazh prej 150 milionë eurosh, për sa u përket pagave neto, pra pa përfitimet e Dekretit të Rritjes, ndeshja është pothuajse e barabartë, me më pak se dy milionë euro në favor të Juves. Një balancë që demonstrohet edhe në fushë, me dy skuadrat që kanë vetëm dy pikë diferencë.

Pavarësisht se është i pezulluar, më i paguari është Paul Pogba me 8 milionë euro në sezon, i ndjekur nga dyshja Vlahovic-Rabiot me 7 milionë. Jashtë podiumit është Calhanoglu, me 6.5 milionë euro në vit, ndërsa Lautaro ndjek me 6 milionë.

Megjithatë, “Toro” do ta rinovojë së shpejti kontratën me zikaltrit, duke synuar ta kalojë numrin 10 të Juventusit, duke qenë se ai duhet të fitojë nga 7.5 deri në 8 milionë euro. Gjithsesi, këto shifra zerohen në fushë, me derbin e së dielës që nuk ka favoritë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport