E mërkurë, 18 nëntor 2026

Rubrikat

Mbështet Limit.al

Bundesliga gjermane mbyllet me dramë, Dortmund i “fal” titullin Bayernit

Bundesliga gjermane mbyllet në mënyrën më dramatike të mundshme. Dortmundi i bën ‘gropën’ vetes, duke i falur titullin kampion Bayern Munich.

Në këtë mënyrë, klubi bavarez fiton titullin e 11-të radhazi në kampionatin gjerman, duke vendosur një rekord absolut dhe të 33-in në historinë e tyre.

Skuadra ‘verdhezi’ dështoi të fitonte ndaj Mainz, duke u ndalur në një barazim 2-2.

Dramë dhe hidhërim tek tifozët e Dortmund, që kishin mbushur shkallët e ‘Signal Iduna Park’, me shpresën se ekipi i tyre do të rikthente titullin në Dortmund dhe do të thyente hegjemoninë e Bayern.

Olsen dhe Onisiwo ndëshkuan skuadrën e Terziç, brenda 25 minutave lojë, duke ‘shokuar’ vendasit, ndërkohë që Haller në minutën e 19-të kishte shpërdoruar një 11-metërsh.

Në pjesën e dytë të lojës, Dortmund barazon shifrat.

Fillimisht Guerrero ngushtoi rezultatin në të 69-ën, e më pas Sule në minutën e 96-të shënoi një gol që nuk pati asnjë vlerë.

Lot dhe zhgënjim tek tifozët e Dortmund, pas fërshëllimës së trefishtë të arbitrit.

Nga ana tjetër festë dhe lot gëzimi në Këln.

Emioconet ishin të shumta edhe në përballjen Koln-Bayern Munich.

Të besuarit e Tuchel zhbllokuan takimin që në minutën e 8-të me Coman.

Vendasit i ‘ngrinë’ buzëqeshjen bavarezëve, në minutën e 81-të, duke barazuar me anë të një penalltie të kthyer në gol nga Ljubiçiç.

Djaloshi Jamal Musiala ishte heroi Bayernit.

20-vjeçari shënoi golin e triumfit të ndeshjes dhe kampionatit, në minutën e 89-të.

Në fund, të dyja skuadrat e mbyllin kampionatin me 71 pikë, por titulli u shkon bavarezëve për shkak të golavarazhit më të mirë.

Në sfidat e tjera, Union Berlini shkroi historinë duke u kualifikuar në Champions League, ndërsa Schalke 04 bie përsëri nga kategoria. Stuttgart do të luajë në ‘play-out’./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport