E mërkurë, 18 nëntor 2026

Rubrikat

Mbështet Limit.al

Bilanci i Panucci-t, 8 humbje dhe vetëm 3 fitore

3 fitore, nga të cilat një në miqësoren me Turqinë, 2 barazime nga të cilat një sërish në miqësoren me Jordaninë dhe të tjerat 8 humbje. Ky është bilanci i Christian Panuccit, në drejtim të pankinës së Kombëtares së Futbollit. Italiani e nisi me një fitore 2-0 me Liechtenstein dhe me barazimin me Maqedoninë. Dy humbjet me Spanjën dhe Italinë në fund të kualifikueseve ishin të justifikuara.

Miqësorja me Turqinë, ku kombëtarja fitoi 3-2 me lojë të mirë dhe reagim të fortë bëri të besohej se punët po shkonin mirë dhe se skuadra po konsolidohej. Edhe humbja me Norvegjinë,1-0, nuk ngjalli shumë pakënaqësi.

Ajo çka nisi të përmbysë gotën ishin miqësoret e verës. Humbja me Kosovën 3-0 ishte tronditëse. Italiani tha se skuadra nuk iu përgjigj. 3 ditë më pas pritej reagimi ndaj Ukrainës, por kuqezinjtë shkuan më keq. Pësuan 4-1.

Ndaj Izraelit në “Elbasan Arena”, Kombëtarja shtrëngoi dhëmbët dhe golin e gjeti duke treguar forcën e karakterit. Xhaka shënoi një supergol.

Por 4 ndeshjen e fundit, vetëm e përkeqësuan situatën, duke nxjerrë në pah pakënaqësitë e lojtarëve për ndryshimet e shpeshta të formacionit dhe rreshtimit. Zakonisht futbollistët profesionistë nuk i diskutojnë vendimet e trajnerëve, por mesa duket edhe për lojtarët kupa u mbush.

Surprizat e Panuccit në këtë aspekt ishin të zakonshme. Në radhët e kuqezinjve thuhej se trajneri njoftonte individualisht futbollistët si pjesë e formacionit, por në ndeshje një ditë më pas në listët e titullarëve ishin emra të tjerë.

Në deklaratën e Armand Dukës disa ditë më parë lexohej se koha e Panuccit kishte mbaruar. Presidenti i FSHF duket se do të presë edhe miqësoren me Uellsin, për të bërë publik shkarkimin e tij, ose arritjen e një  marrëveshjeje për prishjen e kontratës. Në humbjen ndaj Skocisë në Shkodër, lamtumirën italianit ia dhanë edhe tifozët.

Tv Klan

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport