E mërkurë, 18 nëntor 2026

Rubrikat

Mbështet Limit.al

Barcelona në majën e top-klubeve, 900 milionë euro të ardhura në sezonin e kaluar

(Nga Alfred Lleshi/TeleSport)

Barcelona njoftoi të ardhura rekord si klub, me bordin e drejtorëve që mbyllën llogaritë korresponduese të sezonit 2017-2018 në kuotën e 914 milionë eurove. Në fushë, katalanasit patën shumë sukses në La Liga, duke rikthyer titullin në sezonin 2017-2018, pas një viti zhgënjyes, që i kishte parë ata të hiqnin dorë nga kurora përballë rivalëve të Real Madrid.

Sezonin e kaluar pothuajse e pa Barcelonën të kalonte në La Liga e pamposhtur, edhe pse një humbje ndaj Levantes, në ndeshjen e parafundit, ia mohoi këtë nder. Gjithsesi, skuadra e Valverde vendosi rekorde në fushë, duke mbajtur ecurinë më të gjatë si e pamposhtur në një sezon, në historinë e La Liga-s.

Dhe tani, klubi po vendos rekordet jashtë fushe. Shifrat e të ardhurave të Barcelonës rezultuan me një fitim operativ prej 32 milionë € dhe një fitim neto prej 13 milionë €. Shifrat janë në përputhje me planin strategjik të klubit për arritjen e 1 miliard eurove të ardhura në vitin 2021.

Vitin e kaluar, Barcelona arriti të ardhura prej 708 milionë €, shumë e cila ishte rekordi i mëparshëm. Klubi do të paraqesë detaje shtesë të shifrave të fundvitit, si dhe buxhetin e ri, përpara takimit të ardhshëm të përgjithshëm. Bordi i drejtorëve shprehu gjithashtu urimet e veta për Samuel Umtiti dhe Ousmane Dembele, për arritjet e tyre me Francën, si fituesit e Kupës së Botës 2018.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport