Tour de France 2021 po i afrohet përfundimit, me tre etapat e fundit, më 18 korrik. Në 18 etapat e përfunduara, ka dominuar çiklisti slloven, 22-vjeçari Tadej Pogacar, me fanellën e verdhë, i cili shpreson të fitojë edicionin e dytë radhazi të Tour de France, vetëm në rast se nuk ndodh ndonjë kthesë e papritur.
Faqja franceze Sportune ka përpiluar klasifikimin e pesë biçikletave më të shtrenjta të edicionit të 108-të të Grande Boucle. Sigurisht, nuk bëhet fjalë për biçikleta të cilat mund t’i kenë të gjithë, si për çmimin, edhe për prakticitetin, por për kryevepra inxhinierike, të lehta dhe të shpejta.
Në çiklizëm, biçikleta luan një rol të madh në performancën e çiklistëve, edhe pse klasifikimi i përgjithshëm i Tour de France 2021 tregon se aftësia e atletit është vendimtare. Në fakt, në vend të parë të biçikletave më të kushtueshme, nuk gjejmë atë të sllovenit Pogacar, por të çiklistit (i treti në renditje) nga Ekuadori, Richard Carapaz (Ineos).



