E mërkurë, 18 nëntor 2026

Rubrikat

Mbështet Limit.al

Xhaka e mbyll me lavdi te Arsenal, shënon 2 gola në ndeshjen e tij të fundit, Tottenham ngelet jashtë Europës, Leicester bie nga kategoria

Granit Xhaka e mbyll në mënyrën më të mirë të mundshme aventurën e tij me Arsenal, duke shënuar një dygolësh në ndeshjen e fundit të kampionatit anglez. Skuadra londineze mposhti me rezultatin e thellë 5-0 Wolves në ‘Emirates Stadium’.

Xhaka ishte autori i dy golave të parë. Mesfushori dardan zhbllokoi sfidën në minutën e 11-të dhe më pas realizoi edhe të dytin në minutën e 14-të.

Një mbyllje emocionuese për kapitenin e kombëtares zvicerane, i cili u transferua tek Arsenal në verën e vitit 2016, për 45 milionë euro nga Borussia M’Gladbach.

Golat e tjerët të takimit u shënuan nga Saka, Jesus dhe Kiwior.

ARSENAL-WOLVES (VIDEO)

Tottenham mbetet jashtë kupave të Europës. Gjelat e Londrës edhe pse mposhtën në transfertë Leeds me shifrat 1-4, ata nuk ja dolën dot të renditeshin as në vendin e 7-të, që të çon në Conference League. Ekipi londinez e mbyll kampionatin në vendin e 8-të, me 60 pikë, ndërkohë që Aston Villa preu biletën për në Ligën e Konferencës, duke u pozicionuar në vendin e 7-të me 61 pikë.

Kampionët e Premier Leagues në vitin 2016, Leicester bien nga kategoria.

Edhe pse në ndeshjen e fundit, Leicester arriti të triumfonte ndaj West Ham 2-1, fitorja u bë e pavlefshme, pasi nga ana tjetër Everton fitoi ndaj Bournemouth me rezultatin 1-0.

Një festival golash u zhvillua në ‘St. Mary’s Stadium’. Southampton dhe Liverpool u ndalën në një barazim mes tyre me shifrat 4-4.

Jota dy herë dhe Firmino e Gakpo realizuan për skuadrën e Klopp, ndërsa për vendasit shënuan Ward-Prowse, Sulemana dy herë dhe Armstrong.

SOUTHAMPTON-LIVERPOOL (VIDEO)

Në ndeshjet e tjera të Premier League, Manchester United triumfoi ndaj Fulham 2-1, kampionët e Manchester Cityt u mundën në transfertën e Brentford 1-0, ndërsa Chelsea dhe Newcastle u mbyll në barazim 1-1./Limit.al

MANCHESTER UNITED-FULHAM (VIDEO)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport