E mërkurë, 18 nëntor 2026

Rubrikat

Mbështet Limit.al

“Luftë” për mbijetesën dhe Europën, Vllaznia mposht Teutën, fitore shprese për Bylis, Kastrioti e Kukësi

Superliga shqiptare është ‘ndezur’ në fundin e saj, kur kanë mbetur edhe tri ndeshje, për të përcaktuar kampionin, klubet pjesëmarrëse në Europë, si dhe ato që do bien nga kategoria.

Java e 33-të e Kategorisë Superiore rezervoi përballje interesante, mes skuadrave që luftojnë për mbijetesë dhe atyre që kërkojnë të kapin trenin e fundit drejt Europës.

Vllaznia mposhti Teutën në ‘Loro Boriçi’ me rezultatin 1-0. Çoba u dha fitoren shkodranëve, me golin e vetëm të sfidës në minutën e 12-të.

Kuqeblutë ngjiten në vendin e katërt me 46 pikë, 3 më pak se Egnatia e vendit të tretë, ndërsa durrsakët ndodhen ende pranë zonës së ftohtë të klasifikimit.

Kukësi ‘shkatërroi’ Laçin në impiantin e tyre me shifrat 3-0. Verilindorët morën një fitore të vyer, për qëndrimin në kategorinë e më të mirëve. Në ‘Kukës Arena’ takimi u zhbllokua nga një super gol i Ndrecës, në minutën e 59-të.

Braziliani Barbosa vendosi dopietë në minutën e 87-të dhe 92-të, duke vulosur suksesin e ekipit të tij.

Egnatia ngec në transfertë ndaj Kastriotit, teksa u mund 1-0.

Krutanët morën një fitore shprese, në luftën për mbijetesë, falë golit të realizuar nga Greca në të 80-n, duke shkuar në kuotën e 35 pikëve, ndërsa skuadra rrogozhinase mbetet në vendin e tretë me 49 pikë.

Bylis fiton në ‘Niko Dovana’ ndaj Erzenit me rezultatin 1-2 dhe tashmë u afrohet shijakasve me vetëm 3 pikë diferencë. Kaçorri ishte heroi i mallakastriotëve me golat e realizuar në të 59-n dhe të 85-n. Për Erzenin, Alan vendosi baraspeshën e përkohshme, në minutën e 79-të. Bylis renditet në vendin e 9-të me 36 pikë, ndërsa Erzeni në vendin e 8-të me 39 pikë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport