Trupi i njeriut përmban mesatarisht 5 deri në 6 litra gjak, i cili me ndihmën e zemrës dhe enëve të gjakut mirëmban funksionin e organeve të tjera të trupit.
Mirëpo është një pjesë e trupit tonë që nuk ka nevojë për gjak. Ajo është Kornea e cila nuk ka nevojë për furnizim me gjak pasi oksigjenin e merr direkt nga ajri.
Kornea është pjesa transparente e përparme e syrit e cila mundëson hyrjen e rrezeve të dritës në brendësi të tij, për në retinë dhe prej andej përcillet në tru ku edhe realizohet perceptimi i imazhit. Kornea normale është një sipërfaqe e lëmuar, asferike në formën e xhamit të orës, e rrumbullakët në qendër dhe vjen duke u sheshuar në periferi.



