E mërkurë, 18 nëntor 2026

Rubrikat

Mbështet Limit.al

Poeti, studiuesi e publicisti Viktor Frrok GJIKOLAJ

Poet, drejtues, autor i teksteve të këngëve folklorike, publicist dhe studiues në etnokulturë.

Lindi në Kurbnesh. Ka botuar poezi që në rininë e hershme në shtypin e kohës. I ndalohet e drejta e botimit dhe e studimeve të larta për motive politike. U mor me qëmtimin dhe lëvrimin e këngës popullore dhe lëvizjen amatore në Mirditë, duke u bërë autor i një varg lirikash, që u kënduan në festivalet folklorike kombëtare.

Ka botuar tre vëllime poetike dhe një libër me publicistikë e studime për etnokulturën. Është zgjedhur kryetar i Komunës Selitë (1992-96 e 2000-2003). Ndërkohë ka kryer Fakultetin e Gjuhë-Letërsisë, në Universitetin “Luigj Gurakuqi”, Shkodër. Në këtë kohë, si rrallë drejtues të pushtetit vendor, mbështeti intensivisht nismat kulturore në Mirditë dhe botimet e disa autorëve.

Nga viti 2004 e në vijim, ka punuar në Këshillin e Qarkut Lezhë, si specialist i politikave të zhvillimit dhe zëdhënës i këtij Këshilli.

Pas viteve ’90 e në vazhdim, krijimtaria e tij si poet i këngës mori përmasa mbarë kombëtare edhe në poezinë e këngëve të Grupit të Burrave Mirditë, si dhe të Ansamblit Mirdita, si “Fryj moj erë e Evropës”,’’Tokën tonë e bekoi Zoti’’, “Udha jonë është udha e zotit”, “Qesin pushkë djemtë e Selitës’, “S’të harron Mirdita kurrë”-kushtuar legjendës së Grupit te Burrave Fran Vorfi, “Nji bilbili të shqiptarisë’’(Gjok Beci)”, “Prengë Markola , derë e parë”, “Qielli i Arbrit plot me yje”-kushtuar atdhetarit Prenge Mark Prenga, si dhe lirikat: ‘’Brigjeve të Urakës’’, ‘’Shtegut të bjeshkës’’, ‘’Falmi Zot edhe dy sy’’, ‘’Tringëllojnë e tringëllojnë’’ etj.

Është fitues i Çmimit Letrar Kombëtar “Serembe” (2012), për poezi dhe redaktor i shumë vëllimeve poetike e monografive.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Personazh