Pasi humbi në gjyqet që kishte ngritur kundër së bijës, babai i Meghan Markle duket se ka vendosur “të pendohet”.
Thomas Markle në një intervistë të dhënë së fundmi në 7NEWS Spotlight të Australisë, ka kërkuar të pajtohet me vajzën e tij. Në video ai shihet duke mbajtur foto të fëmijërisë së Meghan-it teksa pyet: “Si mund ta rregulloj këtë?”.
Thomas tregoi se ka pësuar një goditje në tru vitin e kaluar dhe ka frikë se nuk i ka mbetur shumë kohë dhe duke shprehur se ndihet i braktisur nga vajza e tij, Dukesha e Sussex-it dëshiron të rilidhet me të para se të vdesë.
“Uroj që të mund të ulemi dhe të flasim. Uroj që ne të mund të zgjidhnim konfliktet tona. Ajo më donte. Unë jam heroi i saj dhe papritmas, unë u hodha jashtë,”-tha babai i Markle.



