E mërkurë, 18 nëntor 2026

Rubrikat

Mbështet Limit.al

NJË RRËFIM PËR QAZIM DUSHKUN

(Nga bashkëmoshatari i tij Ismail Rrahmani)

Burri 85-vjeçar nga Ferizaj, Z. Ismail Rrahmani, nga kujtimet e tij,shkëputi edhe një rrëfim për fillimin e shkollës së parë në gjuhën shqipe në qytetin e tij.

Gjatë Luftës së Dytë Botërore, kur u hap shkolla shqipe, fati më ra që të jem në klasën e parë që e filloi mësimin me mësues Shaban Vatën, e më vonë me Gjina Karasani. Ndër të tjerë shokë klase kisha Mehmet Begracën, Sali Bajrën, Zef Gjonin, Qazim Dushkun e të tjerët që bënim tridhjetë nxënës.

Por nga gjithë në, Qazim Dushku, që e kisha fqinj të parë, aty ku sot është xhamia e madhe, përtej hekurudhës, kishte një fat të rëndë. Atij partizanët ia vranë prindërit që kur ishte i vogël.

Por qysh si fëmijë, Qazimi kishte një talent të rrallë për vizatim. Ai nga vatra mblidhte copëra thëngjijsh dhe me gjurmët që linin ata në letër, na vizatonte herë njërin e herë tjetrin si të ishim të gjallë. Mjerisht që nuk i kemi ruajtur ato portrete që na i bëntë Qazimi. Çka vizatonte ai e bënte si të ishte e gjallë në letër.

Më vonë, si jetim, Qazim Dushku u martua i ri, me nje grua me dallim dukshëm të madh në moshë me të, por që ajo i ndihmoi të shkollohej dhe të bëhej edhe një këngëtar i madh.

Kështu rrëfen Ismail Rrahmani, me një kthjelltësi të rrallë për shokun e dikurshëm të klasës, duke iu rikthyer fëmijërisë.

Nga Faruk TASHOLLI

(Ferizaj, 6.7.’18)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Personazh