E mërkurë, 18 nëntor 2026

Rubrikat

Mbështet Limit.al

NAIM DEDUSHAJ, KONTRIBUTOR I JASHTËZAKONSHËM PËR NJOHJEN E ÇËSHTJES SHQIPTARE NË INSTITUCIONET E SHBA DHE NË OPINIONIN AMERIKAN LIDHUR ME LIRINË E PAVARËSINË E KOSOVËS

Naim Dedushaj është doktor i Shkencave me temën: “Diaspora Shqiptare dhe rrugëtimi i saj ndër mote”, mbrojtur në Universitetin e Tiranës, më 4 shkurt 2014.

Naim Dedushaj është kontributor i jashtëzakonshëm për njohjen e çështjes shqiptare në institucionet e SHBA dhe në opinionin amerikan lidhur me Lirinë e Pavarësinë e Kosovës, kur ishte Drejtor Ekzekutiv i Zyrës së LDK-së në Amerikë (1992-’99), në “Ambasadën e Kosovës në Amerikë”, sic e cilësonte dr. Ibrahim Rugova – Presidenti i Kosovës e kryetari i LDK-së.

Naim Dedushaj është ideatori, themeluesi e motorri i rrjetit të bizneseve të Diasporës Shqiptare në katër kontinente e 25 shtete të botës, duke bashkuar në këto katër vitet e fundit potencialet e mëdha të 100 mijë bizneseve për fuqizimin e tyre dhe zhvillimin e Kosovës. Ai e kryen lartësisht dhe me risi detyrën e tij të Drejtorit për Investime në Ministrinë e Diasporës të Kosovës.

Naim Dedushaj është ndër zyrtarët e lartë të Kosovës që ndihmoi në themelimin e ecurinë e mirë të Ministrisë së Brendshme të saj e, mbasandejna të Ministrisë së Diasporës të Kosovës. Ne keto dy ministri dhe ne Ministrine e Kultures ka mbajt poste të larta e ka kontribute të mëdha.

Naim Dedushaj ka botuar veprën “Shtetet e Bashkuara të Amerikës dhe fati i Kosovës : rezolutat e diskutuara dhe të aprovuara nga Kongresi Amerikan”. (Prishtine, 2006) dhe tjetra: “LDK-ja në SHBA: Historia e një Lëvizjeje” (New York, 2000).

Naim Dedushaj e ka gjysh “Martirin e Kombit” Jahë (Cung) Tahir Dedushaj dekoruar nga Presidenti i Shqipërisë Sali Berisha me “Urdhër për Veprimtari Patriotike të Klasit II”; është nipi i “Martirit të Kombit” Isuf Zymer Dedushaj, i dekoruar me “Urdhër për Veprimtari Patriotike të Klasit I”. Dera e Dedushajve të Vuthajve ka 11 “Martirë të Kombit” nga Bajram Musa Dedushaj deri tek Jeton Idriz Dedushaj.

Nga Valdet ERMALI

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Personazh