Pas tre vitesh martesë dhe një dasme përrallore, Blero dhe Afrona Dika i dhanë fund lidhjes së tyre, një vit më parë. Marrëdhënia e tyre komentohej shpesh edhe për shkak të marrëdhënies shumë të mirë që Afrona mbante me vajzën e Bleros dhe me ish gruan e tij të parë.
Fillimisht u tha se shkak i ndarjes së tyre ishte distanca, pasi Afrona jeton në Zvicër. Ajo së fundmi ishte e ftuar në emisionin “Në kurthin e Piter Pan”, ku tregoi edhe se ka nisur një marrëdhënie të re e madje bashkëjeton me një biznesmen zvicerian.
“Thjesht nuk ka funksionuar më, kur e sheh se “non-stop” vjen tek një pikë që duhet ta diskutosh edhe nuk sheh më rrugëdalje tjetër edhe e shikon që nuk funksionon më, atëherë mirë është me vendos diçka që të jetë e mirë për të dy anët. Prandaj edhe ne vendosëm që ta përfundojmë këtë martesë. Nuk kemi sot kontakt dhe gjithçka ka përfunduar, për këtë pyetje ndoshta duhet të them se ka përfunduar me sherr,” tha Afrona.



