E mërkurë, 18 nëntor 2026

Rubrikat

Mbështet Limit.al

Humbi të dyja këmbët në një atentat, sportisti Julian Çela rrëfen si i ndryshoi jeta: “Djali më pyet ku ishte Zoti kur ndodhi shpërthimi”

Julian Çela, sot themelues i Kombëtares Shqiptare të Futbollit të të Amputuarve, rrëfen periudhën e vështirë pas atentatit që iu bë drejtuesit të zyrës ku punonte. Ai humbi të dyja këmbët në këtë ngjarje të rëndë dhe në periudhën e vështirë që kaloi, i kërkoi bashkëshortes të largohej prej tij pasi nuk do të mund të ishte më i njëjti njeri si më parë. Por, ajo i qëndroi pranë në momentet më të vështira, duke i dhënë forcën e madhe që të fillojë të ecë sërish përmes protezave.

“Unë u nisa në punë dhe djali ka qenë 3 muajsh. Djalin dhe gruan i lashë në gjumë dhe kur ndodhi shpërthimi pashë që kisha humbur të dyja këmbët. Unë jam besimtar ungjillorë dhe i kërkova Zotit të më jepte kohë të jetoja sa të takoja djalin dhe gruan dhe të më merrte në gjirin e tij. Forcën nuk e gjeta te vetja, por te bashkëshortja. Ka qenë ajo që ka qenë forca ime. Ka qenë një moment që i kam thënë: ‘Largohu, nuk është Juli më ai i dikurshmi’. Ka thënë: ‘Juli ne e nisëm bashkë këtë rrugëtim dhe do ta vijojmë bashkë deri sa vdekja të na ndajë’. Unë po shihja dhimbjen time, u bëra tip nevrik, por harrova dhe atë që kishte rënë tavani mbi kokë.”,- tha ai.

Gjithashtu ai ka rrëfyer edhe bisedën me të birin, pasi i shpjegoi arsyen e humbjes së 2 këmbëve. Një pyetje shumë naive dhe e drejtpërdrejtë i erdhi nga djali: “Ku ishte Zoti kur ndodhi shpërthimi që të mori këmbët?”

“Fëmijët vijnë më pyesin për protezat. Edhe unë ua sjell si lojë fëmijëve, u them që jam një robot. Djali im e ka kuptuar vetvetiu, dhe realisht nuk i bën përshtypje, ka mësuar si ndodhi shpërthimi dhe gjithçka. Edhe kur e pyesin të tjerët ua shpjegon që babai nuk i ka gjymtyrët për shkak të një shpërthimi. Unë ia kam shpjeguar dhe shpeshherë më pyet ku ishte zoti kur ndodhi shpërthimi dhe unë i them që aty ishte, pasi nëse nuk do të ishte Zoti atëherë unë nuk do të isha këtu me ty.”-përfundoi ai./ Euronews.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Personazh