E mërkurë, 18 nëntor 2026

Rubrikat

Mbështet Limit.al

FJALË PËR DEKËN:- PROFESOR MURAT GECAJ – Nga Fran UKCAMA – Fier

Nuk mund të rri pa i thanë do fjalë,
për një mik,
një fisnik, intelektual,
prind, bashëshort, burrë i rrallë,
malesor dhe qytetar,
fjalë artë, e shpirtin mjaltë..

Më thërret ora në Gegni të Epër,
Në Qeresh, n` atë djep të ndezun,
Dielli i verës,
Dimnit t`egër,
Kulla në thepa kryqiell,
Aty lindi Murat Gecaj,
I shkollës, artit- dishepull..

Jeta e rruga e tij, nuk ke asfalt ,
Dimën e verë, mbi përvelim,
Mbi pengesa, brigje të thyeme,
Mbi theqafje,
I përballi me guxim,
Ai stoic i shtroi me dije..

Murat Gecaj, intelektual,
Bli i rritun në zemer të gurit,
Nder i dha, dije dhe fjalë,
Fiseve Nikaj- Merturit..

Nder i dha trojanës , horës,
Gjithmonë në krye ku ishte drita,
Ai shkëlqeu në Malci të Gjakovës,
Me urti,
me fisnikëri, dituri ,
Vyrtyte falë nga Perendia..

Ai ndezi mes Tiranës,
Pishtarët e dijes,
si shkrimtar, si gazetar,
Kurrë s`iu nda, vendlindjes, amës,
Një shqiponjë,
Një kreshtan, një bredh mbi shkamb,
Vozitesi,
Mbi fusha dhe mal..

Më kapërcejnë nëpër mendime,
Vyrtytet në kaptyej moti,
Gjithmonë mik,
me shpresë- frymëzime,
Ishte e mbeti,
Krye njeri ,
një fistar, bekue prej zoti..

Dheu i lehtë e udhe e shëndritë,
Të kjoftë o vëlla, o mik,
Si bletës që i përulemi ,
Mjaltit, dyllit, qirit të shenjtë,
Qoftë një fjalë,
bekim dhe himen,
Përjetësisht pushofsh në Parajsë,
MURAT GECAJ,
O i shënjuari në shejtnim!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Personazh