E mërkurë, 18 nëntor 2026

Rubrikat

Mbështet Limit.al

A është kjo dhoma ku fle Elon Musk? Miliarderi habit me përgjigjen

Një vit më parë miliarderi Elon Musk njoftoi se do t’i shiste të gjitha shtëpitë e tij dhe do të jetonte në shtëpitë e miqve. Në atë kohë askush nuk e besoi, por rezultoi se themeluesi i Tesla e së fundmi pronari i ri i Twitter, e kishte me të vërtetë.

Pas kësaj, Musk mori vendimin për të ndërtuar “barakën” e tij pranë selisë qendrore të SpaceX në fshatin Boca Chica, Teksas. Ai nuk jeton vetëm në Boca Chica, që është vetëm dy milje nga kufiri meksikan, pasi shtëpia ngjitur është e rezervuar për njerëzit e tij të sigurisë.

Duket se Musk i pëlqen shakatë edhe kur ai është protagonist, e madje ndonjëherë nuk ngurron të përgjigjet. Këtë radhë, një faqe e njohur për meme në Twitter bëri një shaka që rezultoi gjysmë e vërtetë. Më konkretisht, “gaut” publikoi foton e një dhome gjumi të boshatisur, me një dyshek në dysheme, dhe pretendohej se ajo ishte dhoma ku flinte Elon Musk, edhe pse është një nga njerëzit më të pasur në botë.

Bashkë me foton, shkruhej: “Elon Musk ka një vlerë prej 188 miliardë dollarësh. Një prej njerëzve më të pasur në botë. Kjo është dhoma e tij.”

Pasi fotoja u bë popullore në internet, pronari i Twitter shkroi në një koment: “Nuk është tërësisht e pasaktë. Fjeta në divanin e një miku javën që shkoi.”/limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Personazh