E mërkurë, 18 nëntor 2026

Rubrikat

Mbështet Limit.al

Teoria e kaosit – Nga Amet GJANAJ – BELGJIKË

1- 2 deri 3 milion refugjatë sirianë janë gati t’i turren Evropës nga Turqia e cila është zhgënjyer nga premtimet e pambajtura të Evropës për dëmshpërblime financiare për mbajtjen e refugjatëve në territorin e saj që prej fillimit të lutës në Siri si dhe për shkak se tani, Erdoganit nuk i duhen më ata refugjatë duke qenë se ka hyrë në luftën e Sirisë. Një e treta e tyre mund të kalojnë përmes Greqisë për të arritur në Evropë, gjithsej 600.000 veta ;

2- Evropa e ka temë të parë të bisedimeve në pothuajse të gjitha mbledhjet zyrtare problemin e refugjatëve dhe përgjithësisht ndalimin e emigracionit ilegal dhe janë gati të japin gjithçka që t’evitojnë fluksin e ardhjeve të refugjatëve sirianë në vendet e tyre….

3- Qeveria greke, nuk shquhet për ndonjë mbështetje të fortë për proçesin e integrimit evropian të Shqipërisë. Ajo, çuditërisht, këto kohët e fundit e ka mbështetur Shqipërinë për çeljen e negociatave pa kërkuar ndonjë varrezë tjetër për ushtarët « grekë » e luftës së dytë botërore dhe pa kërkuar zyrtarizimin e gjuhës greke në jug të Shqipërisë. Ka ndonjë interes tjetër fqinji ynë « i dashur »…. ?

4- Qeveria e majtë Shqiptare e ka me patjetër që të marri çeljen e negociatave nga Evropa që t’u rezistojë kritikave çdo ditë e më të fuqishme të kundërshtarëve të saj dhe për të shënuar për herë të parë si krah i majt, një sukses në proçeset euroatlantike, pas « sukseseve » (anëtarësimin në NATO, marrëveshjen e Stabilizim asocimit me Evropën dhe liberalizimin e vizave) të qeverive të djathta….

5- Shqipëria renditet si vendi i 82-të në listën e Transpancy International për perceptimin e korrupsionit në botë. Do të thotë se në Shqipëri, gjithçka blihet, përfshirë dhe interesi kombëtar…

6- Ka qarkulluar përpara dy vitesh shifra e 600.000 refugjatëve sirianë që do të pranoheshin nga Shqipëria. Kjo shifër qe spikatur dhe në disa dokumente zyrtare evropiane por që pastaj u zhdukën dhe u harruan…

7- Një gjë është e sigurtë : Evropa ishte e gatshme që të paguajë Turqinë për t’i mbajtur refugjatët. Nuk i shlyen borxhet ndaj Turqisë sigurisht duke mos dashur që ta forcojnë Erdoganin. Evropa pra, do t’ishte e gatshme që të paguajë shtrenjt një vend që do t’i mbante refugjatët por jo një vend me një lider teokratik si puna e Erdoganit…

8- Duhet gjithashtu një vend që populli i saj të jetë apatik, i zhgënjyer e pa asnjë shpresë për t’ardhmen e vet, mundësisht pa shpresa fare, ku të mos ketë shumë demokraci, as drejtësi dhe që të ketë vend për 600.000 refugjatë për shkak që atij vendi i është larguar kaq veta nga popullsia e vetë, ku politikanët nuk është se e adhurojnë popullin e vetë por që preferojnë lekët…

Nëse ekziston ndonjë vend të tillë, i thoni Evropës sepse ai vend do të paguhet dhe do t’integrohet brenda familjës evropiane paçka nuk i plotëson të gjitha kushtet që kërkohen….

Çdo ngjashmëri me një vend që njohim, nuk është vetëm se një produkt i një mendje komplotiste. Në rastin e kundërt, kjo është një katastrofë humanitare dhe kombëtare!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra