E mërkurë, 18 nëntor 2026

Rubrikat

Mbështet Limit.al

Taksisti nga Turjaka e Malishevës Nazmi Kastrati – që lexoi Kadaren, Dan Bown, Dostojevskin dhe shkrimtarë të tjerë vendas e Botëror – Shkruan, Izet Shala

Nga qytetit i Certifikatave – Intervistë me shkas

Tash e dy vjet, njeriu që më shtoi kureshtjen ta sodis, pa e bezdisur  fare, veç  një përshëndetjeje herë në mëngjesin e ndërruar të stinëve, herë mes ditëve të vapës e herë-herë ditëve të acarta, në të  njëjtin vend me të njëjtën makinë ngjyrë kuqe, herë dyert e hapura të makinës e herë të mbyllura, herë brenda e herë jashtë, por vazhdimisht me libër në dorë duke lexuar.

Ky është Nazmi Kastrati nga fshati Turjakë  i Komunës së Malishevës një  burrë, me moshë më shumë se gjysmë shekulli jetë. Një ditë ndaloi dhe shtrëngoi duart me përshëndetje, e pyes si të ecën puna e taksit? Më përgjigjet, jo keq pasi kohën me të madhe e kaloi me veprat e Ismail Kadares duke lexuar, tash kam arritur t’i lexoi njëzetë  veprat e tij, për një kohë relativisht të gjatë ( 18 muaj), por edhe vepra të shkrimtarëve botërorë.

E  pyes nga shkolla ç’ke të mbaruar? Filloren në Lumishtë, fshat në afërsi të Malishevës, kurse të mesmen për (Aviacion), në  Rajllovac të  Sarajevës.

Ç’ke punuar pos taksisë? , ndonjë punë tjetër, dikur nga gjysma e dytë e viteve tetëdhjeta deri në viti nëntëdhjetë e dy  si punëtor i makinerisë në Klinë.

Tani sërish taksi ai thotë e rëndësishme është të punosh, jo me çdo kusht veç në profesion, dhe e vazhdoi me pyetje  Si të duket  Kadare në vepra? Dhe cilat nga veprat të kanë tërhequr më shumë?

Ai  vazhdon të tregoi: Romanet e lexuara, “ Qyteti pa Reklama”, “Gjenerali i ushtrisë së Vdekur”,” Dasma”, “ Viti i mbrapsht”, “ Kështjella”,” Ditë Kafenesh”, “Përbindëshi”, “Prilli i thyer” , “Ura me tri Harqe”,dhe e ndaloi, po nga shkrimtarët botërorë, hajde një i them , përgjigjet Komplet kam lexuar Dan Bown si “ Kodi i Davinqit”, “ simboli i Humbur”,  bukur ndërhy.

Më trego se si duket Nazmiu para leximit dhe tash Nazmiu taksi që ka lexuar Kadaren  e të tjerë dhe sërish punon si taksist.

Kam përfituar shumëfish për vete dhe klientët  e mi, arsyeja me befason mua, kultura e  komunikimit të tij, rrëfimi metaforik  për veprat e lexuara, kujtesa e tij, analiza dhe shumë hipoteza tjera për jetën dhe ndërtimin e saj.

Pra Nazmiu , vazhdon Leximin e veprave, vazhdon edhe punën e taksit, vazhdon   me  performancën   brilante me portret  serioz dhe kollare, që në bisedë të mahnitë për analizat dhe mesazhet e veprave të lexuara.

Ndahem për t’u takuar sërish dhe për të mësuar diçka të re nga lexuesi i pasionuar , taksisti Nazmi Kastrati.

Pra kjo është një storje e suksesit për t’ përmbysur të gjitha  botëkuptimet negative se sot në zhvillimin teknologjik , njerëzit pak apo aspak nuk lexojnë.

Nuk është ky rast i vetëm, ka plot bashkëkombës të m’i që lexojnë, unë i uroi dhe ju dëshiroi, lexim të këndshëm.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra