E mërkurë, 18 nëntor 2026

Rubrikat

Mbështet Limit.al

Sot e çdo ditë do jem me dijen!

Nga Jorida Tabaku, deputete e Kuvendit të Shqipërisë

Ndërsa studentët i kërkojnë të plotësojë 8 kërkesat e qarta, kryeministri vazhdon të ofrojë spektaklin për të konkuruar me lajmet që prodhon protesta e vërtetë dhe e sinqertë e studentëve. Takimi i sotëm me rektorët dhe dekanët më solli në mendje monologun ofendues të shkurtit 2018 që e zhvilloi në sallën e shfaqjeve në kryeministri, COD. Asokohe ai kërcënonte me prerje kokash pedagogët ndërsa sot kërcënon me prerje kokash rektorët dhe dekanët.

Shqetësimet e studentëve zgjidhen vetëm duke abroguar Ligjin e Arsimit të Lartë që u votua nën ethet e të ashtuquajturës “Reformë në Arsim”. Pikërisht, ky ligj është ai që e shkatërroi Universitetin dhe dijen shkencore në vend një herë e përgjithnjë. Ligji cënoi rëndë autonominë universitare sepse nga të zgjedhur kaloi në të emëruar. Dhe në Universitetet më të mëdha këto përfaqësues të qeverisë janë në mazhorance në Bordet e Administrimit. Janë pikërisht këto Borde që mbajnë përgjegjësi për administrimin financiar e për çdo tender që sot akuzoi Rama. Prandaj, votimi i këtij ligji prodhoi këtë katrahurë sociale që sot rezulton në tarifa të larta, universitete të lëna pasdore dhe një kërkim shkencor në gjendje mizerabël.

Me monologun e mërzitshëm me dekanë e rektorë nuk mund të pranojë të vërtetën. Prandaj ai nuk është i gatshëm të pranojë edhe pikat edhe kërkesat e studentëve, pasi kjo në thelb do të thotë të zhbëhej një gjoja reformë që u bë për interesa të ulta të oligarkeve të arsimit dhe që prodhoi një universitet pa dije.

Sot e çdo ditë do jem me dijen!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra