E mbajme për tradhëtar Ali pashë Maxharin, bashke me të tjerë, sepse ia dorëzoi tokat shqiptare Malit të Zi. Por mbasi 6 Fuqitë e Mëdha të asaj kohe sollën flotën e tyre luftarake në Ulqin të gatshme për luftë në rast kundërshtimi. E mbajmë për hero Ramush Haradinajn që, bashkë me të tjerë, ia dorëzoi Malit të Zi tokat shqiptare “për viza”. Por pa pasur asnjë kërcënim nga 6 Fuqitë e Mëdha të kohës sonë.
Kjo inkonsistencë normative (vlerësimi), kjo çarje e ndërgjegjes morale brenda të njëjtit individi shqiptar, nuk mund të harmonizohet dhe çon në shpërthime sharjes kompulsive ndaj atij që ia vë në dukje (projektimi i fajit).
Nëse ego përpiqet ta zgjidhë këtë konflikt ndërmjet idit dhe superegos duke racionalizuar ose duke projektuar, dështon:
Sepse, a është racionale të presin që pushtuesi shekullor të na i kishte mbrojtur territoret tona më shumë sesa vetë ne sot?
Projektimi, sepse e shohin te vetja se po ata janë bashkuar sërish rreth Hashim Thaçit që është shprehur i gatshëm për coptim të mëtejshëm territorial, dhe kundër qeverisë që nuk lëshon pe.
Të dy mekanizmat mbrojtës dështojnë, sepse tingëllojnë po aq inkonsistent e kundërthënës sa vetë sistemi i vlerësimit.
Kjo skizofreni morale është rezultat i socializimit politik, i zëvendësimit të filozofisë nga historiografia, që s’është mirëfilli as e tillë. Prandaj, me gjithë termat e huazuar këtu nga psikanaliza, çështja nuk mund të zgjidhet nga psikologët. Kjo simptomë, dhe të tjera si ajo, thërrasin për një ri-socializim që nis nga “aksiomat” tona themelore dhe që kërkon angazhm intelektual sinkretik.
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë EuroshAktualitet
Turizmi botëror drejt rekordit: 1.57 miliardë mbërritje më 2026



