Nga Mark SIMONI
1. Nuk ka njeri që s’e di tragjedinë e Romeos dhe të Xhulitës. Bota e ka mësuar nga Shekspiri, por ngjarja ka qenë e vërtetë, dhe aspak letrare. Bash në Montechio është kështjella e Xhulitës, dhe pak më tutje e Romeos, (zona e Veronës, ku jetonin fiset e montegëve dhe kapuletëve).
2. Diku nga 1992, një çift të rinjësh çuditi opinionin italian. Ngjitjen e tyre në altar e dhanë gjatë mediat dhe i bënë diskutime pa fund nëpër forume. Një vajzë 19 vjeçare, infermiere në një spital të Milanos, nga një pakujdesi e saj e shërbimit, transmeton virusin AIDS tek një pacient, bashkmoshatar i saj. Nga dhimbja e madhe vajza vendos ta shpërblejë të sëmurin me dashurinë e saj, dhe shkojnë në kishë e venë kurorë. Djalit, gjesti i vajzës iu duk tepër sublim, dhe dashurinë e saj e përjetoi më shumë dhe më fort, se sa tmerrin e alarmit të vdekjes.



