E mërkurë, 18 nëntor 2026

Rubrikat

Mbështet Limit.al

Melania Trump: Jam personi që ka vuajtur më shumë nga bullizmi

Zonja e Parë amerikane Melania Trump e përshkroi veten si “personin që ka vuajtur më shumë nga bullizmi në botë” përpara se ta zbusë deklaratën e saj, duke thënë se ishte “një prej më shumë të prekurve prej këtij fenomeni”.

Komentet e saj zonja Trump i bëri gjatë një interviste për rrjetin televiziv ABC News që u regjistrua javën e kaluar gjatë udhëtimit të saj në Afrikë. Zonja e Parë u pyet se përse ajo e kishte marrë përsipër çështjet e trajtimit të bullizmit në internet.

“Mund të them se jam njeriu që po vuaj më shumë se çdo njeri tjetër në botë nga fenomeni i bullzimit”, tha ajo.

Pas këtij pohimi gazetarja e pyeti:

“A jeni ju vërtet personi më i prekur në botë?”

“Një prej tyre, nëse vërtet shikoni se çfarë thonë njerëzit për mua” u përgjigj zonja Trump.

Fillimisht Melania Trump u angazhua për të luftuar bullizmin kibernetik gjatë fushatës presidenciale të bashkëshortit të saj në vitin 2016. Kritikët e kanë quajtur hipokrite fushatën e saj, duke treguar komentet që bashkëshorti i saj ka bërë në Twitter duke denigruar nivelin e inteligjencës, talentin dhe pamjen e njerëzve.

Zonja e Parë amerikane tha gjithashtu se gjatë dy viteve të kësaj administrate ka ende njerëz që punojnë në Shtëpinë e Bardhë, tek të cilët ajo nuk ka besim.

“Disa prej tyre, nuk punojnë më aty”, i tha ajo televizionit ABC.

Komentet pasuan një analizë anonime të botuar në gazetën New York Times muajin e kaluar nga një “zyrtar i lartë i administratës”, i cili përshkruante një rezistencë të fshehtë në Shtëpinë e Bardhë kundër impulseve të presidentit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra