E mërkurë, 18 nëntor 2026

Rubrikat

Mbështet Limit.al

Mbaji me vete do “letra Kosove”, o Hashim Thaçi!

Nga Ramiz LUSHAJ

Kqyrini mirë këto dy foto! Çka me pá! Po qysh o Presidenti shqiptar i Kosovës, Thaçi, nuk ka përpara vetes asnji letër bardhezi (apo dossier) sikurse Vuçiqi serb përballë teje me nji “mal” me letra dokumentare në Dialogun e vështirë Kosovë-Serbi që kësaj të diele të 24 qershorit 2018, ishte séanca e parë finale në Bruksel, në prani të Përfaqësueses së Lartë të BE-së, Federica Mogherini.

Delegacioni Shqiptar i Kosovës ka pasë raste të tjera të maparshme, që kur ti o Hashim Thaçi ishte kryeministër e funksione të tjera, që të jeni pa letra dhe gotat e ujit mineral belg “SPA” t’i kenë bosh, si në këtë takimin e paradokshëm me Daçiqin!

Kur shkojnë në takime të tilla ndërkombëtare pa letra zyrtare si pala tjetër, si palët e tjera, atëherit, a thue “i keni kokat plot”! A thue se po na e bani prapë me Serbinë si me Demarkacionin me Malin e Zi! Çka me i thanë kësaj: faqja e zezë për Ty e faqja e zezë për Ne, shqiptarët që të lejojmë me u sjell kështu e kësisoj me interesat e fatet shqiptare në historinë e sotme!!!

Po, Ti, o Hashim Thaçi, nuk kie faj se ky është fakti e fati ynë historik: Bash qishtu si Ti kanë shkue Ismail Qemali me delegacionin e Tij më 8-9 nëntor 1912 në takimin me kontin Berthold, ministrin e Jashtëm të Perandorisë Austro-Hungareze apo delegacionet e shumta shqiptare në Koferencën e Paqes më 1919…e deri në takimet e tua për Demarkacionin me Malin e Zi e Asosacionin me Serbinë…!!! Po, Ne, shqiptarët e shek. XXI, jena ka t’lypim me ndryshe pak ma ndryshe, o Hashim Thaçi, me i pasë “do letra Kosove” në tavolina të tilla pune diplomatike ku vendoset për fate kombëtare panshqiptare, me i pas “do thaçme” politike e historike shqiptare për veti.

Ndaj, Ti, o Hashim Thaçi, nuk duhet t’i humbasësh meritat e kontributet e tua të kohës së Luftës e të Paqes, se nuk është puna në dukje me ecë rrugëve e koridoreve dhe tribunave si “burrë shteti” po me kanë i tillë dhe në takime ndërkombëtare si ky i Brukselit.

E, përfundi, si përmbyllje, po iu lutnohem ju, Hashim Thaçi – President i Kosovës dardane, që kur është në fjalë e pikëpyetje, kur është në udhëkryqe e rreziqe të tilla Kosova jonë dardane, të mos ndodhin të tilla gjana e të mos kemi të tilla raste si ky i 24 qershorit 2018 në Bruksel. Njëherash, njëkohësisht, qoftë dhe për këtë fakt në Takimin e Brukselit, Kuvendi lartnor i Kosovës, kryetari i tij, Kadri Veseli, apo Opozita, drejtuesit e LDK ose të VV, mundet të thërrasin në një Seancë të Jashtëzakonshme Kuvendin e Kosovës dhe të kërkojnë shkarkimin e Presidentit të Kosovës, të cilin kështu e kësissoj nuk po e dimë se ku po e çon mushka e tij.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra