Kaluan dy javë nga certifikimi i zgjedhjeve dhe Vetëvendosja me LDK-në nuk po arrijnë të merren vesh për koalicionin qeverisës. Duket se LDK e ka ngritur shumë pazarin. Veҫ postit të ministrit të brendshëm dhe portofolit të disa ministrive të tjera, zëvendëskryeministrit të parë dhe kryetarit të parlamentit, ajo po kërkon edhe kolltukun e presidentit, si kusht për arritjen e marrëveshjes për formimin e koalicionit qeverisës.
Në qoftë se LDK niset nga “logjika” se e ka zënë ngusht Vetëvendosjen, se ajo nuk ka nga t’ia mbajë pa bërë koalicion me të dhe, o burra, të rrëmbejnë sa më shumë nga bakllava në tepsinë e pushtetit, atëherë, kjo s’është gjë tjetër, veҫ “logjika” e lakmisë së pangopur që, shpesh, i ҫon peshqit në rrjetë.
Kosova nuk e ka luksin për të vazhduar, qoftë edhe një ditë më shumë, me boshllëkun institucional. Janë të panumërta sfidat e mprehta që kërkojnë të adresohen, në mënyrë të menjëhershme, si në ekonomi, arsim, drejtësi, etj. Qytetarët e Kosovës nuk mund të presin pa fund tekat e politikanëve, lakmia e të cilëve, siҫ thotë Sami Frashëri, nuk u shqitet nga trupi, pa u dalë shpirti.
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë EuroshAktualitet
Turizmi botëror drejt rekordit: 1.57 miliardë mbërritje më 2026



