E mërkurë, 18 nëntor 2026

Rubrikat

Mbështet Limit.al

Institucionet malazeze të ndalin kishën ortodokse serbe në uzurpimin e pronave etnike shqiptare

Reagimet e subjekteve politike shqiptari dhe heshtje e organeve përgjegjëse malazeze !

Punimet e Kishës Ortodokse Serbe në ndërtimin me gurë të kishës metalike ekzistuese në majën e Rumisë kanë ngjallur indinjatë dhe reagime të banorëve vendas të Krajës, qytetarëve shqiptarë dhe të përfaqësuesve të tyre.

Para shumë ditëve në Majën e Rumisë kanë filluar ndërtimet duke e betonizuar kishën e metaltë atje nga ana e përfaqësuesve të Kishës ortodokse serbe. Kisha metalike në Rumi është vendosur në vitin 2005 nga Kisha ortodokse serbe me ndihmën e helikopteri të ushtrisë së Serbisë dhe Malit të Zi, pa miratimin e Ministrisë së Planifikimit Hapësinor të Malit të Zi, dhe ka nxitur një debat të madh në Mal të Zi sidomos në radhët e shqiptarëve, i cili vazhdon edhe sot me kërkesën për heqjen e këtij objekti.

Kryetari i Alternativës Shqiptare, Nik Gjeloshaj u ka bere bër thirrje institucioneve malazeze që të deklarohën publikisht, a mund t’a zgjidhin problemin dhe të ndalin Kishën Ortodokse Serbe në uzurpimin e tokave të banuara me shekuj prej shqiptarëve.

Lidhja Demokratike në Mal të Zi, ka kërkuar nga presidenti i shtetit, Millo Gjukanoviq, që urgjentisht  të ndalojë ndërtimin e kishës jo legale në Rumi dhe që , siç theksohet, kjo bjeshkë të lirohet nga okupimi  dhe hapësira të kthehet në gjendjen e mëparshme. Në kërkesën e LD në MZ, të cilën e ka nënshkruar kryetari, Mehmet Bardhi, theksohet se tash një kohë të gjatë presim që definitivisht të mënjanohet kjo kishë nga metali dhe, siç thuhet,  maja e Rumisë të çlirohet.

LDSH: Sllavizimi i trevave shqiptare në Malin e Zi po vazhdon- Shndërrimi i llamarinës nga Maja e Rumisë, në kishëz me material të fortë, pra nuk dëshmon dobësinë e shtetit, sikur tenton dikush ta paraqesë, për objektiv të pushtetit, i cili po e heshtë këtë aktivitet të kishës serbe, edhe pse ka mjete e mundësi që ta ndal. Nëse për asgjë tjetër, po të donte, do ta ndalte për faktin se në Malin e Zi, sipas ligjit, asgjë nuk mund të punohet pa leje ndërtimi. A mos e ka pasur lejen kjo teneqe, e quajtur kishëz !

Ministri Mehmet Zenka, për CDM deklaron se është i ‘’bindur se kësaj radhe Qeveria e Malit të Zi me siguri do të ketë një reagim dhe këtë në ditët e ardhshme’’.

Zenka shprehet se ndërtimi i kësaj kishe ka një ndikim negativ në popullatën fetare, si te shqiptarët, myslimanët, katolikët, ashtu edhe fetë dhe kombet e tjera në Malin e Zi.

Lidhur me këtë çështje, deputeti Nimanbegu i është drejtuar edhe para disa ditësh ministrit Radulloviq, pas shfaqjes së fotografive për transportimin e materialit ndërtimor në majën e Rumisë.

Në përgjigjen e tij, ministri Radulloviq thekson se “pas këqyrjes në evidencën zyrtare të Ministrisë së Zhvillimit të Qëndrueshëm dhe Turizmit është konstatuar se Inspeksionit Urbanistik-Ndërtimor nuk i është dorëzuar fletëparaqitja për ndërtim në Rumi. Po ashtu Ju bëjmë me dije se aktualisht në lokalitetin për të cilin bëhet fjalë nuk janë duke u kryer punime ndërtimore”.

Shoqata “Kraja” në Nju-Jork ka reaguar sërish lidhur me ndërtimin e kishës duke vlerësuar se Kisha Ortodokse Serbe po betonizon krimin nën hundën e pushtetit.

“Si qytetarë të Krajës jemi të shqetësuar se këto ndërtime të paligjshme kanë për qëllim uzurpimin e Rumisë nga Kisha Ortodokse Serbe. Kërkojmë nga Inspektoriati i Ndërtimtarisë së Malit të Zi që menjëherë të ndërhyjë dhe të ndalojë vazhdimin e këtyre punimeve në malin e Rumisë”, thuhet ndër të tjera në reagim, ku kërkohet edhe nga qytetarët që të jenë më proaktivë duke e njoftuar inspektoriatin për punimet ilegale.

Kjo shoqatë i është drejtuar me një letër të hapur edhe kryetarit të Komunës së Tivarit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra