E mërkurë, 18 nëntor 2026

Rubrikat

Mbështet Limit.al

Abazoviç ‘mpreh shpatën’: Jemi gati për zgjedhjet parlamentare në qershor! I kemi mbajtur premtimet

MALI I ZI- Kryeministri në detyrë i Malit të Zi Dritan Abazoviç ka deklaruar këtë të premte se partia e tij URA është gati të marrë pjesë në zgjedhjet parlamentare që do të mbahen më datë 11 qershor. Ndër të tjera Abazoviç u shpreh se qeveria e tij i ka mbajtur premtimet. Kryeministri me origjinë shqiptare i Malit të Zi tha se vendi i tij është në rrugën e duhur drejt integrimit në Bashkimin Europian.

Dritan Abazoviç: Zgjedhjet me gjasë do të mbahen më 11 qershor, por kjo nuk është çështje për mua. Më e rëndësishmja është që të gjithë të demaskohen. Ne i kemi realizuar të gjitha premtimet. Mendoj se qytetarët e vlerësojnë këtë. Sa i përket listës zgjedhore, aty kanë mbetur ende disa gjëra rreth asaj që unë mbështes të ketë një bllok të madh centrist. Në zgjedhjet e mëparshme, ne ishim pjesë e listës ‘Black on ëhite’, dhe kjo tani është një vazhdimësi e këtij koncepti qytetar.

I pyetur nëse aktivitetet e qeverisë do të ngadalësohen në përgatitjen e zgjedhjeve dhe nëse ai e konsideron atë si abuzim për shkak se qeveria ka “rënë” dhe nuk ka legjitimitet, Abazoviç tha se asnjë nga rezultatet e mira nuk do të ishte arritur nëse ekzekutivi do të ngadalësohej.

Dritan Abazoviç: Të gjithë jemi duke punuar shumë dhe të gjithë ministrat duhet të punojnë deri në fund. Do të ketë shumë aktivitete, zgjedhjet nuk do ta ndalin punën e qeverisë. Ne duhet të punojmë, dhe çfarë thotë dikush pa punë në Facebook, duhet të futuni në lëkurën tonë. Ne nuk mund të ndalemi. Unë dua që motorët e qeverisë të qëndrojnë deri në fund në marshin e gjashtë dhe pastaj të futen në pit stop.

Abazoviç u ndal dhe tek Ballkani i Hapur. Ai tha se Mali i Zi duhet të bëhet pjesë e nismave rajonale. Sipas tij sot nuk ka më monopole politike.

Dritan Abazoviç: Nuk ka më monopole politike. Kur është fjala për Ballkanin e Hapur, qëndrimi im dihet, mendoj se Mali i Zi duhet të jetë pjesë e nismave rajonale./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota