E mërkurë, 18 nëntor 2026

Rubrikat

Mbështet Limit.al

Tym e flakë në VERI/ Opozita ‘gozhdon’ Kurtin! Krasniqi, Haradinaj e Abdixhiku: I pa BESË! Po luan me zjarrin. Të shkarkohet kryeministri

KOSOVË– Vijon debati i opozitarëve me kryeministrin Albin Kurti në Kuvendin e Kosovës në një seancë të jashtëzakonshme pas tensioneve në veri që kulmuan në përplasje fizike mes serbëve dhe forcave të KFOR-it ku për pasojë 30 ushtarëve mbeten të plagosur dhe kishin nevojë për ndihmë mjekësore.

Gjatë fjalës së tij kryetari i Partisë Demokratike të Kosvës Memli Kransiqi iu drejtua Kurtit duke i thënë se po luan me zjarrin duke mos u koordinuar me ndërkombëtarët. Sipas tij Bashkimi Europian dhe Shtetet e Bashkuara të Amerikës kanë bërë kreun e qeverisë përgjegjës dhe pasojat po i vuan Kosova. Për këtë ai mori shembull përjashtimin e Kosovës nga “Defender Europe 23”. Në fund ai kishte dhe një sfidë për Albin Kurtin.

Memli Krasniqi: Pse s’po shkon ti. A guxon me shku ti. Qeh unë vij me ty Hajde po shkojmë na të dy bashkë. Po shkojmë në objektin e Komunës së Leposaviqit, Zubin Potokut e Zvecanit. Pse po insiston me i cu tre njerëz që janë pjesë e popullit shqiptar, që janë pjesë e vuajtur që 23 vjet. Hajde shkojna bashkë në veri, hijm me ta në zyre, rrijm me ta. Nëse të ka mbet marak zjarri të kaluarës, mos u mundu me dhezë zjarm të tashmes, sepse njerëzve iu duhet paqe. Përvec që ke synime të tjera.

Dhe kreu i Lidhjes Demokratike të Kosovës Lumir Abdixhiku ishte ashpër ndaj qeverisë së Kosovës dhe Kurtit. Gjatë fjalës së tij ai deklaroi se Albin Kurti i tha me emra kriminelët që sipas tij kanë sulmuar KFOR-in dhe mediat por nuk tregoi se përse ata nuk janë vënë në pranga.

Lumir Abdixhiku: Sot po bëhet një javë nga sulmi jo i paprecedentë dhe jo i rrallë i bandave kriminale në Veri që kryeministri po i njeh me emër dhe mbiemër, por janë ende në Veri të paarrestuar. Por, ky po i njeh dhe po na ligjëron për to, por janë të lirë kundrejt institucioneve të Republikës së Kosovës, përkatësisht zyrave të kryetarëve në Veri.

Ndërkohë edhe më i ashpër ishte ish-kryeministri dhe kreu i Alenacës për Ardhmërinë e Kosovës Ramush Haradinaj, i cili u kërkoi deputetëve që të marrin masa të menjëhershme për shkarkimin nga detyra të kryeministrit Albin Kurti. Sipas tij ai ka bërë pabesi dhe tradhti ndaj Kosvës.

Ranmush Haradinaj: Ne përballemi me Serbinë dhe me serb, kemi marrëdhënie armiqësore, në disa etapa na është dashur të luftojmë. E dimë rolin e Listës Serbe dhe bandat atje. SHBA i kanë sanksionuar për rolin e tyre. Ku po shkohet Kosova nën udhëheqjen e kryeministrit Kurti? Unë po them mendimet e mia. Mosbesim deri në pabesi”, kryeministri kurti ka ngjall, ka mbjell mosbesim të brendshëm, në çdo palë e çdo proces. Në vazhdimësi ka kultivuar një mosbesi dhe në garantin tonë që është Amerika. Ky mosbesim i tij deri në pabesi, sot po ndodh si qeveri e një vendi. Kryeministri Kurti ka mbjellë dhe nxit poshtërim të të gjitha figurave, vlerave të krijuar me mund, disa prej tyre i ka përvetësu por ka vazhdu me poshtëru çdo vlerë të shqiptarëve. Kur je kryeministër, kur ke fatin e Republikës, vazhdimi i poshtërimit deri në armiqesi po i sjell pasoja Kosovës. Ka poshtëru popullin e vetë, me i shty deri në poshtërim. Ka elementë të tradhtisë ai i Kurtit. Kryeministri Kurti po vazhdon me mashtru aleatet e sigurisë, garantët tonë dhe mashtrimet e tij shkojnë në tradhti. Unë me vazhdu qartë, nuk ndihem mirë me i thenë, por është detyra jonë që të reflektojmë se çfarë po na ndodh. Kush përfiton nga kjo përpos Putinit dhe Rusisë? Nga vazhdimi i logjikës poshtëruese deri në armiqësi. Kush fiton nga mashtrimi i aleatëve tanë? Fiton Rusia. Pra për këtë arsye, ju propozoj të shkojmë në mocion dhe të shkarkojnë qeverinë Kurti.

Kjo seancë e jashtëzakonshme në Kuvendin e Kosovës vjen pas tensioneve të forta në veri të shkaktuara pas zgjedhjeve në tre komunat me shumicë serbe, Lesposaviç, Zubin Potok dhe Zveçan ku Lista Serbe bojkotoi zgjedhjet dhe kryekomunarët e rinj janë qytetarë të Kosovës. Tensionet nisën që ditën e parë që kryekomunarët e rinj u futën në zyrat e tyre. U desdh ndërhyrja e Forcave Speciale që ata të mund të futeshin ndërkohë që pas ndërhyri dhe KFOR, 30 ushtarë të të cilëve mbeten të plagosur. Serbët kërkojnë dorëheqjen e kryekomunarëve dhe mbajtjen e zgjedhjeve të reja pavarësisht se ata vetë i bojkotuan. Ndërkohë qeveria e Kosovë duket se nuk do të lëshojë pe. Ndërkomëtarët nga ana tjetër kanë kërkuar ç’tensionim të situatës dhe uljen në tryezën e bisedimeve për një zgjidhgje paqësore të konfliktit./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota