E mërkurë, 18 nëntor 2026

Rubrikat

Mbështet Limit.al

Mustafa i LDK: Rihapja e çështjes së kufijve e barabartë me rihapjen e çështjes së Statusit të Kosovës

Kryetari i partisë më të madhe opozitare, Isa Mustafa i LDK-së, ka thënë më 10 gusht 2018, se as Presidentit të Kosovës, Hashim Thaçi, dhe as kryeministrit, Ramush Haradinaj, nuk mund t’u besohet për çfarëdo që flasin.

“Është një retorikë shterpe, e papërgjegjshme dhe e rrezikshme. Njëri premton se e marrim Luginën e Preshevës dhe nuk japim asgjë, kurse tjetri se korrigjimi i kufijve shkakton luftë, por ata qeverisin bashkërisht, së bashku i ndajnë rolet, së bashku paraqiten në Bruksel dhe bashkërisht mundohen të mashtrojnë opinionin. Nuk i besohet as njërit e as tjetrit”, ka deklaruar Mustafa në një intervistë për Koha.net.

Mustafa ka thënë se rihapja e çështjes së kufijve të Kosovës është e barabartë me rihapjen e çështjes së statusit të Kosovës.

Ai ka theksuar se askush nuk ka të drejtë të bisedojë për kufijtë e shtetit dhe se me Serbinë është e nevojshme një marrëveshje për njohje reciproke. Serbia duhet ta njohë shtetin e Kosovës në kufijtë aktualë, të cilët janë pranuar edhe ndërkombëtarisht.

“Nevojitet normalizim i marrëdhënieve dhe fqinjësi e mirë mes dy vendeve”, ka thënë ndër të tjera Isa Mustafa – kryetari i LDK-së të Kosovës me Diasporë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota