E mërkurë, 18 nëntor 2026

Rubrikat

Mbështet Limit.al

10 VJETORI I PAVARËSISË SË KOSOVËS, NJË DITË E MADHE NË 100 VJET

Nga Harry BAJRAKTARI

Sot kur kremtojmë 10 vjetorin e Pavarësisë së Kosovës, në të njëjtën kohë, duhet të kthehemi prapa e të shohim se ku ishim para 100 vjetësh, para, 50 dhe para 30 vjetësh. Kosova, e lirë dhe e pavarur, është kryevepër dhe është arritja më e madhe historike, pas vitit 1912, kur gysma e Shqipërisë, fitoi pavarësinë.
Mund të mos jemi të kënaqur plotësisht për të arriturat 10 vjeçare në aspektin e zhvillimit ekonomik, të demokracisë dhe të forcimit të institucioneve shtetërore, por marrë në përgjithësi, shteti ynë i ri, është storie e suksesit dhe janë bërë shumë reforma në fusha të ndryshme, pas sakrificave që bëri populli i ynë për 100 vjet, e sidomos në luftën e fundit të UÇK-së 1998/1999, duke pasur mbështetjen parezervë të miqve tanë ndërkombëtarë.
Kjo sakrificë e madhe shekullore e larë me gjak, duhet të jetë nxitje për ta çuar Kosovën përpara, ku ligji të jetë mbi të gjithë, ndërsa qeveria dhe institucionet shtetërore duhet të punojnë e të bëhen garanci për një jetë më të pasur dhe më të lumtur, ku askush të mos i lakmojë emigrimit në një vend tjetër. Të veprojmë që ta zotërojmë shtëpinë tonë dhe në të, të krijojmë lumturi, perspektivë dhe begati për fëmijët tanë.
17 shkurti i vitit 2008, është shumë i rëndësishëm për mbështetjen që na dhanë shtetet më të fuqishme të botës: SHBA, Britania e Madhe, Gjermania, Franca, Italia dhe shtetet tjera në Evropë dhe në kontinentet tjera. Se lufta jonë për liri dhe pavarësi ishte e drejtë dhe e patjetërsueshme, flet edhe fakti se në kohën më kritike, kur Serbia pretendonte dëbimin totale të shqiptarëve nga Kosova, këto shtete na dolën në ndihmë dhe na nxorën nga një tragjedi e ngjashme me hollokaustin e Luftës së Dytë Botërore, ose me Srebrenicën e Bosnjës.
Kosova sot është shtet që po reformohet nga viti në vit, edhe përkundër pengesave të vazhdueshme nga Rusia dhe satelitët e saj, ajo sot është njohur nga 115 vende të ndryshme të botës dhe u bë pjesë e shumë organizatave ndërkombëtare ekonomike, politke, kulturore e sportive. Artistët dhe sportistët tanë sot kanë pushtuar majat e botës.
Kosvoa tash synon të bëhet anëtare e BE-së, NATO-s dhe e OKB-së. Pavarësia e saj ka sjellë stabilitet dhe paqe në rajon, ndërsa, në anën tjetër, ka faktorizuar rolin shqiptar në Ballkan. Ne duhet të përpiqemi shumë më tepër për ta çuar amanetin e të gjithë atyre që ranë për liri dhe sakrifikuan për këtë ditë të madhe që e gëzojmë ne.
Vendy ynë sa më shpejt duhet ta ketë ushtrinë e tij, si çdo shtet tjetër, e Kosova s’ mund të trajtohet ndryshe.

17 shkurti i vitit 2008 ishte monumenti më fatlum i popullit të Kosovës dhe i shqiptarëve në përgjithësi, dhe me këtë datë u përmbys përfundimisht robëria serbe. Këtë fat të lumtur e të paharruar e përjetova thellë edhe unë, si ditën më të veçantë të jetës sime, duke kremtuar në New York së bashku me familjen time, me miq e shokë.

Urime 10 vjetori Kosovë, urime shqiptarë!
Faleminderit, Amerikë!

Harry Bajraktari, New York 2018.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota