E mërkurë, 18 nëntor 2026

Rubrikat

Mbështet Limit.al

Haradinaj letër Kurtit: Mos hiq taksën 100%

Ish-Kryeministri Ramush Haradinaj përmes një letre të hapur, i ka kërkuar pasardhësit të tij, kreut aktual të qeverisë Albin Kurti, që të mos e heqë tarifën 100% ndaj produkteve serbe.

Ai i ka bërë thirrje Kurtit që të rikonsiderojë vendimin e tij. Sipas Haradinajt, çështja e tarifës ndaj Serbisë është më e madhe se beteja mes forcave politike në Kosovë.

“Albin, mos e lejo tregun e fitimit të mbi 400 milionë Euro-ve për Serbinë, shtetin i cili të ka rrahur e të ka torturuar. Shtetin, që me paratë e popullit të Kosovës blenë armë në Rusi. Të lutem, mos e kamuflo këtë vendim sovran me terme të mjegullta siç është “reciprociteti”.Mos e hjek taksën Albin. Mos u tërhiq për disa poena të përkohshëm që mund t’i fitosh nga bashkësia ndërkombëtare”.

Deri më tani ende nuk ka ndonjë përgjigje nga zyra e Kryeministrit Kurti. Përderisa kryetarja e Parlamentit të Kosovës Vjosa Osmani tha se zëvendësimi i tarifës me masën e reciprocitetit është në pajtueshmëri të plotë me partnerët e koalicionit qeverisës.

“Ne si Kuvend nuk e marrim atë vendim atë e merr qeveria. Absolutisht ka pajtim të tillë, është pjesë e programit qeverisës me pajtim të partnerëve të koalicionit”.  

Ish-Kryeministri Ramush Haradinaj në kohën sa ishte në krye të ekzekutivit në Nëntor të 2018-ës i kishte vënë tarifë 100% produkteve serbe për çka edhe pala serbe kërkonte si kusht për vazhdimn e dialogut Kosovë-Serbi heqjen e kësaj tarife. Ndërsa, Kryeministri Kurti ka thënë se këtë tarifë do ta zëvendësojë me reciprocitet të plotë ndaj Serbisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota