E mërkurë, 18 nëntor 2026

Rubrikat

Mbështet Limit.al

“Defender 2023” fillon nesër në Kosovë! 1300 trupa të FSK-së pjesë e stërvitjes më të madhe ushtarake

KOSOVË-Nga data 21 maj deri më 2 qershor, Kosova do të jetë mikëpritëse e ushtrimit ushtarak më të madh ndërkombëtar në rajonin e Ballkanit “Defender Europe 23”. Kjo stërvitje organizohet nga Ushtria Amerikane për Europë dhe Afrikë, me ndihmën e forcave aleate të 25 vendeve të NATO-s dhe partnerëve të tyre.

Në këtë ushtrim Forcat e Sigurisë së Kosovës do të marrin pjesë me 1 mijë e 300 trupa. “Defender Europe 2023”, është padyshim ngjarja më e madhe jo vetëm për FSK –ën por është ngjarje historike edhe për vetë Republikën e Kosovës. Kjo dëshmon besimin e SHBA-së në ushtrinë e Kosovës, e cila po dëshmon se është e gatshme për të kryer detyra në mbrojtjen e vlerave më të larta euroatlantike në mbrojtjen e paqes, demokracisë jo vetëm në rajon por edhe më gjerë.

Në një intervistë për Radio Kosvën ish-Komandanti Përgjithshëm i FSK-së, gjeneral Kadri Kastrati thotë se nga ky ushtrim, FSK-ja përfiton përvojat nga ushtritë më të avancuara botërore.

Kadri Kastrati: Kur janë në pyetje pajisjet dhe armatimet që kanë ushtritë e NATO-s kanë një ndërveprimtari apo përvojat e përdorimit të armëve që Ushtria e Kosovës nuk i ka, ndërsa tani ka mundësinë që në ushtrime jo vetëm t’i shohë ato por edhe të manovrojë me to, e që dihet se këto janë përvojat që na kanë munguar, sepse e kemi një ushtri që është shumë e re e që është në ngritje e sipër të kapaciteteve të veta operacionale.

Po ashtu Hisen Berisha, anëtar i Komisionit për Siguri dhe Mbrojtje, thotë se me këtë ushtrim do të certifikohen kapacitetet e dy regjimenteve të këmbësorisë. Sipas tij, Kosova është në një rrugë të mirë të implementimit të projektit për krijimin e Forcave të Armatosura, por, rrethanat e reja që janë krijuar pas ndërhyrjes së Rusisë në Ukrainë, kanë imponuar disa ndryshime në planin 10 vjeçar.

Hisen Berisha: Kanë imponuar nevojën e heqjes së kufizimit në numër dhe tejkalimin e blerjeve të planifikuara, flasim për teknologji dhe teknikë të avancuar siç janë dronët dhe armatimet e tjera të cilat e mbajnë luftën në distancë. Misioni ynë është krijimi i kapaciteteve mbrojtëse mirëpo, këto kapacitete duhet të kenë aftësinë e parandalimit të çfarëdo invazioni në distancë nga vijat e kufirit.

Kontingjenti prej 1 mijë e 300 trupave do të jetë ndër katër kontingjentet më të mëdha krahas kontingjentit amerikan. Kjo tregon shkallën e ndërveprueshmërisë ushtarake të Kosovës përkrah forcave të shteteve partnere,shprehet gjeneral Sefer Isufi, shef i Komunikimit Strategjik në Ministrinë e Mbrojtjes./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota