KOSOVË– Presidenca e Kosovës i është përgjigjur ‘flakë për flakë’ ministrit të Jashtëm të Serbisë Ivica Daçiç në lidhje me zbatimin e marrëveshjes së Ohrit. Shefi i kabinetit të Presidentes Vjosa Osmani, Blerim Vela shprehet se Daçiç po i viziton vendet që janë nën sferën e ndikimin rus dhe ky është një veprim i dëshpëruar për të minuar zbatimin e nenit 4 të marrëveshjes me Kosovën.
Përmes një postimi në Twitter Vela shkruan se Serbia së shpejti do të vihet në privë.
Blerim Vela: Daçiç po viziton vendet që janë nën sferën e ndikimit rus. Një veprim i dëshpëruar për të minuar zbatimin e nenit 4 të marrëveshjes me Kosovën. Serbia do të shkelë nenin 4 nëse voton kundër anëtarësimit në organizatat ndërkombëtare. Së shpejti do të vihet në sprovë.



