E mërkurë, 18 nëntor 2026

Rubrikat

Mbështet Limit.al

Arrestohet drejtori i Korporatës Energjetike të Kosovës (AKUZAT)

KOSOVË– Kreu i Korporates Energjetike të Kosovës Nagip Krasniq ka përfunduar në prangat e policisë këtë të mërkurë nën akuzën e: “Keqpërdorimi i pozitës apo autoritetit zyrtar”, “Ushtrimi i ndikimit” dhe “Konflikti i interesit”. Pas raportimeve në media lajmi u konfirmua zyrtarisht dhe nga Prokuroria Speciale e Kosovës përmes një reagimi.

Prokuroria bën me dije se Krasniqi dyshohet për shpërdorim detyre me tenderin e një remonti të kaldajës në bllokun A5 të termocentralit “Kosova A”.

Organi i akuzës ka dhënë detaje në lidhje me bastisjen e zyrave të KEK-ut. Kështu njoftohet se në cilësinë e provës materiale që pirtet t’u vlejnë hetusve në hetim janë sekustruar tre kompjuterë, një laptop, një celular dhe një USB.

NJOFTIMI I PROKURORISË:

Po ashtu, njësia e veçantë e hetimeve sot ka bastisur zyrën e të pandehurit Nagip Krasniqi në Prishtinë, dy banesa në lokacione të ndara në Prishtinë, në pronësi dhe të shfrytëzuara nga i njëjti, me qëllim gjetjen e dëshmive të cilat kanë të bëjnë me veprat penale të lartcekura. Gjatë bastisjes janë sekuestruar dokumente të ndryshme që ndërlidhen me rastin, pajisje elektronike si tre kompjuterë, një llap-top, një celular, një USB, në cilësi të provave materiale që do të shërbejnë për procedurën e mëtejme. Me aktvendim të prokurorit të shtetit, personi në fjalë është dërguar në mbajtje në kohëzgjatje prej 48 orësh.

Ish-drejtuesi i Komitetit për Energji në Lëvizjen Vetëvendosje, Nagip Krasniqi, në tetor të vitit 2021 është zgjedhur drejtor ekzekutiv i Korporatës Energjetike të Kosovës. Krasniqi në krye të ndërmarrjes më të madhe publike u zgjodh nga Bordi i përkohshëm i KEK-ut nëpërmjet një konkursi, në të cilin kanë konkurruar 38 kandidatë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota